Թրամփը Մակրոնի հետ քննարկել է ԵՄ-ի համար սահմանված մաքսատուրքերն ու իր գալիք հանդիպումը Կիմ Չեն Ընի հետ
ՀասարակությունԱՄՆ նախագահ Դոնալդ Թրամփը ֆրանսիացի գործընկերոջ՝ Էմանուել Մակրոնի հետ քննարկել է ԵՄ-ից մետաղների ներկրման համար մաքսատուրքերի սահմանումն ու իր ապագա հանդիպումը ԿԺԴՀ առաջնորդ Կիմ Չեն Ընի հետ:
«Նախագահ Դոնալդ Թրամփը երեկ զանգահարել է Ֆրանսիայի նախագահ Էմանուել Մակրոնին, որպեսզի տեղեկացնի պողպատի և ալյումինի ներկրման համար մաքսատուրք սահմանելու մասին: Նախագահն ընդգծել է, որ իր որոշումը հասունացել է և անհրաժեշտ է ազգային անվտանգության համար», - Известия-ի փոխանցմամբ՝ ասվում է Սպիտակ տան հաղորդագրության մեջ:
Ինչպես նշվում է, Թրամփը և Մակրոնը քննարկել են «ԱՄՆ խնդիրների լուծման այլընտրանքային տարբերակները», ինչպես նաև ողջունել են ամերիկացի նախագահի՝ ԿԺԴՀ առաջնորդի հետ հանդիպելու մտադրությունը «Կորեական թերակղզու ամբողջական ապամիջուկայնացումն ապահովելու համար»:
Հիշեցնենք որ արտասահմանյան երկրներից պողպատի և ալյումինի ներկրման համար մաքսատուրքեր սահմանելու մասին որոշումը Թրամփն ընդունել է մարտի 8-ին: