Կենտրոն վարչական շրջանը սպորտային համալիրը չի տարբերում հանրային սննդի կետից
BlogԿարեն Հակոբյանն իր ֆեյսբուքյան էջում գրում է.
Այսօր թերթերից մեկը տեղեկություն էր հրապարակել այն մասին, որ Կենտրոն վարչական շրջանը դատական հայց է ներկայացրել «Մուլտի Գրուպ» կոնցեռնի դեմ՝ աղբահանության վճարները իբրև թե չվճարելու պատճառաբանությամբ: Թյուրիմացությունը թերևս սկսվել է լրագրողից, ով հավուր պատշաճի ուսումնասիրություն չանցկացնելու և խնդրի բուն էությունը չպարզելու պարագայում նման ապատեղեկատվություն է տարածել:
Սակայն այս ամենի մեղավորությունը կրում է հենց Կենտրոն վարչական շրջանը, ով իր անօրինական պահանջների պատճառով ստեղծել է այս խառնաշփոթը:
Բանն այն է, որ թաղապետարանում անգամ չեն էլ տարբերում, սպորտային համալիրը հանրային սննդի կետից, այդ իսկ պատճառով էլ սխալ հաշվարկներ են կատարվել: Նշենք,որ սպորտային համալիրը, որի ընդհանուր մակերեսը կազմում է10779,45 քմ, իր մեջ ներառում է ընդամենը 107 ք. մ մակերեսով հանրային սննդի կետ: Ահա այս մակերեսի համար պետք է հաշվարկվեր աղբահանության արժեքը, ոչ թե ամբողջ կոմպլեքսի:
Նմանատիպ անհետևողական աշխատանքի արդյունքում է, որ հանրությանը սուտ տեղեկատվություն է ներկայացվում:
Այսքանից հետո վստահ ենք, որ Կենտրոն վարչական շրջանը ստիպված կլինի վերահաշվարկ կատարել և իր շարքերից այսուհետ կբացառի անգրագետ աշխատաիցներին, որոնց պատճառով էլ առաջացել է այս թյուրըմբռնումը: