Մեդվեդեւը հանձնարարել է քննարկել ԵՏՄ–ում էժան շաքարի հարցը
ՄիջազգայինԱնհրաժեշտ է վերանայել ԵՏՄ–ում շաքարի շուկայի կարգավորման միջոցները։ Այս մասին հոկտեմբերի 25-ին ասել է ՌԴ վարչապետ Դմիտրի Մեդվեդեւը՝ ելույթ ունենալով Երեւանում Միջկառավարական խորհրդի նիստում։
Հարցը բարձրացվել էր Ռուսաստանի նախաձեռնությամբ, որը դժգոհ է ԵՏՄ մյուս 2 երկրներից՝ Ղազախսոտանից եւ Բելառուսից էժան շաքարի ներմուծումից։ ՌԴ Գյուղատնտեսության նախարարության կարծիքով այդ երկրները էժան շաքարի հումք են ներկրում, իսկ հետո ռուսական շուկան հեղեղում են էժան շաքարով, քաղցրավենիքով եւ ըմպելիքներով։
«Արդյունքում օգոստոսի 1-ի դրությամբ Ռուսաստանում շաքարի մեծածախ գները գրեթե 40 տոկոսով նվազել էին՝ հասնելով 2014-ի մակարդակին։ Մենք պայմանավորվել ենք սակագնային արտոնությունների վերլուծություն անցկացնել եւ որոշում կայացնել, որը կարող էր կարգավորել շուկան»,– ասել է է Մեդվեդեւը։