Խրոնիկ նարցիսիզմ
ՔաղաքականությունՆարցիսիզմ բառի դասական բացատրւթյունը հետևյալն է՝ բացարձակ սիրահարվածություն սեփական անձին, սոցիալական խմբերի նկատմամբ կիրառվելու պարագայում, այս տերմինը նշանակում է էլիտարության զգացողություն և այլ մարդկանց նկատմամբ անտարբերություն։
Անգամ այս տերմինի հանրագիտարանային համառոտ բացատրությունը ցույց է տալիս, որ գործող վարչապետ Կարեն Վիլհելմովիչի մոտ առկա է նարցիսիզմին բնորոշ ախտանշաններ։ Թերևս այս մասին է վկայում օրերս ՌԴ վարչապետի այցի կապակցությամբ Կարապետյանի այն հայտարարությունը, թե հենց իր հրավերով է Մեդվեդևը գտնվում է Հայաստանում, այստեղ Կարապետյանը կարող էր ասենք շարւնակել՝ «որպես անմար հույսի փարոս»։ Չէ գուցե և որոշակի հրավեր եղել է, սակայն չմոռանանք մեկ սովորական փաստ, հոկտեմբերի 25-ին Երևանում կայանալու է ԵՏՄ միջկառավարական խրհրդի նիստը, որին մասնակցում են ԵՏՄ անդամ երկրների վարչապետերը։ Դե ընթացակարգն է այդպիսին և այս անգամ նիստը տեղի է ունենալու Երևանում։ Այսինքն այստեղից ինչ է պարզվում։ Այո, կռահեցիք, Մեդվեդևը իր լուսավոր կերպարով ուրախացնելու էր Վիլհելմովիչին այսպես թե այնպես, հրավերով թե առանց հրավեր, հույսով թե անհույս և այլն։
Մյուս կողմից, եթե այնուամենայնիվ Անատոլևիչը ժամանել է Հայաստան միմիայն Վիլհելմովիչի եղբայրական հրավերին անսալով, ապա այստեղ էլ մի քանի տխուր արձանագրումներ պետք է անենք։ Փաստորեն Անատոլևիչն ընդունել է իր գործընկերոջ հրավերը, բայց դե ձեռքի հետ էլ մասնակցում է միջկառավարական նիստին, սա պետք է որ վիրավորական լինի Կարապետյանի համար, քանի որ պատկերացրեք մի իրավիճակ, երբ դուք ձեր ընկերջը ուրիշ քաղաքից հրավիրում եք ձեր տւն մի բաժակ բան խմելու, մի քանի բան խոսելու քննարկելու, իսկ նա գալիս է ձեր տուն և սկսում ձեր հարևանների հետ գործնական կապեր հաստատել ու հարցեր քննարկել։ Համաձայնեք մի քիչ անհարմար բան է ստացվում։
Չնայածա կարծես թե Վիլհելմվիչին սա այնքան էլ չի հուզում, ափսոս միայն, որ Վիլհելմովիչի և Անատոլևիչի թվերն են տարբեր նկարված՝ հայ-ռուսական ապրանքաշրջանառության աճի վերաբերյալ։
Զիգմունդ Պրուստ