Թուրքական լոլիկն ընդդեմ մեր կառավարության
ՎերլուծությունՌուսաստանն ու Թուրքիան վերջապես համաձայնության են եկել սույն թվականի նոյեմբերի 1-ից վերացնել թուրքական լոլիկի և այլ գյւղատնտեսական ապրանքների դեպի ՌԴ ներկրման արգելքը։ Այս համաձայնությւնը կարծես թե վերաբերում է մեր երկու խերիմ հարևանին և դաշնակցին,սակայն սա միայն առաջին հայացքից։
ՌԴ-ի և Թուրքիայի հարաբերություններում հաստատված ճգնաժամը ժամանակին բերեց նրան, որ հայ արտադրողները սկսեցին մեծ ծավալով հիմնականում գյուղատնտեսական ապրանքներ ներկրել Ռուսաստանը։ Սա իր հերթին լրջորեն ազդեց Հայաստանից արտահանումների ծավալի մեծացման վրա, ինչի մասին էլ օրեր առաջ խոսում էր վարչապետը՝ արտահանման ծավալների մեծացումը ներկայացնելով որպես տնտեսական աճի կարևոր ցուցիչ։ Սակայն պարզից էլ պարզ է, որ այս ծավալները սկսելու են էականորեն նվազել, երբ Ռուսաստանն արդեն սկսի ընդունել թուրքական լոլիկը։
Այստեղ արդեն հարցէ առաջանում, թե հայաստանյան կառավարությունն այս դեպքում ինչի մասին է խոսելու, քանի որ հայկական լոլիկի արտահանման ծավալներիր մեծացումը պայմանավորված էր պարզապես միջազգային իրավիճակով և ոչ թե այս ոլորտում աշխուժացմամբ։ Սա բավական լուրջ խնդիրներ կարող է հարւցել կառավարության համար, որն առանց այն էլ չի կարողանում դուրս գալ իր բազմաթիվ խոստումների տակից։ Այլ կերպ ասած ՌԴ-ի և Թուրքիայի միջև կայացած համաձայնությունը հերթական անգամ հարվածելու է հայաստանցի տնտեսվարողներին։ Սա ցավոք իրականություն է, որի դեմ հակաքայլ այդպես էլ հնարավոր չի լինում գտնել։
Տարոն Կարապետյան