Դոնալդ Թրամփը չի կողմնորոշվել , թե ինչ կձեռնարկի Իրանի հետ միջուկային գործարքի հարցում
ՄիջազգայինԱՄՆ նախագահ Դոնալդ Թրամփը հայտարարել է, որ դեռ չգիտի, թե ինչ կձեռնարկի Իրանի հետ միջուկային գործարքի հարցում։
Fox News–ին տված հարցազրույցում հաղորդավարը հարցրել էր, թե Թրամփը հրաժարվում է արդյոք պաշտոնապես հաստատել, որ Իրանը կատարում է իր պարտականությունները, թե մտադիր է դուրս գալ գործարքից։
«Մենք կարող ենք անել եւ՛ մեկը, ե՛ւ մյուսը։ Ես հստակ չգիտեմ, թե ինչ կանեմ ես»,– ասել է Թրամփը։
Ակնկալվում է, որ Թրամփը առաջիկա օրերն Իրանի մասին հայտարարություն կանի։
Հարցազրույցի ժամանակ նա Իրանի հետ գործարքն անվանել էր իր տեսած ամենավատ համաձայնագրերրց մեկը։
«Նրանք շատ արագ միջուկային զենք ձեռք բերելու ու 1.7 մլրդ դոլար կանխիկ գումար ստանալու ճանապարհ գտան»,– ասել է նախագահը եւ հավելել, որ ԱՄՆ–ը դրա դիմաց ոչինչ չի ստացել ։