Աշոտյանի՝ անպատասխան մնացած հարցը

Ազգային ժողովն, ինչպես և սպասվում էր մերժել է  ԵՏմ-ից դուրս գալու հարցերի ուսումնասիրության հանձնաժողով ստեղծելու նախագիծը։ Այս մերժումը ոչ անակնկալ էր ոչ էլ անսպասելի, քանի որ ամեն ինչ առավել քան պարզ էր։ Առավել հետաքրքիր էին սակայն Ելքի առաջարկի շուրջ ծավալված քննարկումները և հարցադրումները։ Ի դեպ հենց ասյ հետաքրքիր հարցադրումներից մեկի հեղինակը Արմեն Աշոտյանն էր, ով հակադարձելով Փաշինյանին, երբ վերջինս ներկայացնում էր հայաստանյան տնտեսության աննախանձելի վիճակը, կարճ հարց տվեց՝ եթե իսկապես Ելքի ներկայցուցիչը տեսնում է երկրի տնտեսութւյան ողբերգական վիճակը, ապա ինչու է դնում ԵՏՄ-ից դուրս գալու հարց և ավելի ուղղակի կերպով պարզապես չի պահանջում կառավարության հրաժարականը։ Այս հարցը Աշոտյանը հնչեցրեց բազմանշանակ երանգավորմամբ, սակայն կարծես թե այն բավական սուր և թիրախային էր։

Ի դեպ հարցի պատասխանը չստացավ ոչ միայն Աշոտյանը, այլև ընդհանրապես այդ պատասխանը չկա։ Իսկապես էլ արդյոք խորհրդարանական ընդդիմությունը չէր գիտակցում, որ ԵՏՄ-ից դուրս գալու աբստրակտ նախագծերը չեն կարող հաջողություն ունենալ, մինչդեռ կոնկրետ վարչապետի և կառավարության քննադատությունը առնվազն քաղաքական դիվիդենտներ կտար ընդդիմադիր խմբակցությանը։ Իսկ քննադատության հիմքեր ցանկության դեպքում խորհրդարանական ընդդիմությունը կարող էր գտնել տասնյակներով՝ սկսած միս-կաթնամթերքի թանկացումից վերջացրած շատ տարօրինակ օպտիմալացմամբ։ Մի գուցե խմբակցություննն ընդհանրապես չի ցանկանում լրորեն քննադատել գործող վարչապետին ու կառավարությանը, քանի որ վարչապետի մեկ տարվա ամփոփման ժամանակ ևս ընդդիմադիր խմբակցությունից առանձնապես սուր հարցադրումներ չհնչեցին։

Իսկ խոսքը խոսքը ամբողջ խմբակցության մասին չէ, այլ դրա մի հատվածի, այս տեսանկյունից նույնպես կարծես թե ամեն ինչ խառն է, քանի որ խմբակցության պատգամավոր Արամ Սարգսյանը հարցազրույցներից մեկում ուղղակիորեն և բառացի նշում է՝ Կարեն Կարապետյանը սպասարկում է բացառապես ռուսական կապիտալի շահը, այսինքն թե այս հայտարարությունից ուղղակիորեն բխում է, որ եթե Ելքը ցանկանում է , որպեսզի հայաստանը դուրս գա ԵՏՄ-ից, ապա նախ և առաջ պետք է ազատվի վարչապետ Կարեն Կարապետյանից, ով նաև ՀՀԿ փոխնախագահն է՝ այն է խորհրդարանական մեծամասնության երկրորդ դեմքը։ Թե այնուամենայնիվ Ելքում Կարապետյանի ֆիգուրի ու դերակատարության շուրջ կարծիքները տարբերվում են, եթե այո, ապա 2018-ին ընդառաջ ամենայն հավանականությամբ Ելքը կարժանանա մյուս բոլոր ընդդիմադիր դաշիքների ճակատագրին կամ գուցե և ավելի վատ։

Կարեն Հակոբյան