Մադուրո․ Թրամփը սեւեռված է ինձ վրա
ՄիջազգայինՎենեսուելայի նախագահ Նիկոլաս Մադուրոն ուրբաթ հայտնել է, որ ԱՄՆ նախագահ Դոնալդ Թրամփը սեւեռված է իր վրա, հայտնում է ՌԻԱ Նովոստին։
«Դոնալդ Թրամփը ամեն օր ինչ-որ բան է ասում ինձ, նա սեւեռված է Նիկոլաս Մադուրոյի վրա, քանի որ ես աշխատող մարդ եմ, իսկ նա սովոր է չարաշահել աշխատողներին ու կանանց։ Այդ ամենի պատճառը հենց դա է»,- ասել է Մադուրոն պետական հեռաւոստատեսության եթերում։
Ընդ որում, Մադուրոն համարում է, որ ԱՄՆ ղեկավարը կարող էր ավելի շատ ուշադրություն հատկացնել Պուերտո Ռիկոյի խնդիրներին՝ «Մարիա» փոթորկից հետո։ «Սարսափելի ողբերգություն է, որը բաժին է ընկել Պուերտո Ռիկոյի ժողովրդին, իսկ Դոնալդ Թրամփը չի այցելում նրանց։ Զբաղվիր քո երկրի գործերով, որոնք դու բավականին վատ ես ղեկավարում»,- նկատել է Վենեսուելայի առաջնորդը։
Մադուրոն հայտնել է, որ ինքը վճռական է ու ուժերով լի պայքարի համար, հատկապես երբ ԱՄՆ առաջնորդն իրեն բռնապետ է անվանում։ «Այս ժողովուրդը չի կարող հայտնվել Դոնալդ Թրամփի նման մեծահարուստի ձեռքերում»,- ասել է նա։