Պատժել Լևոն Մկրտչjանին, թե ներողություն խնդրել
ՔաղաքականությունՌուսաց լեզվի ուսուցման հայեցակարգի աղմկահարույց հանձնարարականը վարչապետը չի տվել դե համենայնդեպս վարչապետն է ասում։ Այսինքն եթե հավատալու լինենք Կարեն Կարապետյանին ԿԳ նախարար Լևոն Մկրտչյանը ինքնագործունեությամբ է զբաղված՝ մեղմ ասած։ Այդ դեպքում սակայն առաջ է գալիս հաջորդ հարցը՝ ինչ է անելու վարչապետը «չարաճճի» նախարարի հետ։ Տրամաբանորեն ԿԳ նախարարը պետք է պատժվի, ընդ որում պատժվի ամենխիստ կերպով՝ հեռացվի աշխատանքից, քանի հայաստանյան ներկայիս ծանրագույն պայմաններում, երբ հյուսիսից եկած հեղափոխական վարչապետը փորձում է երկիրն ամեն գնով դուրս հանել ճգնաժամի ճիրաններից, նախարարներից մեկը որոշում է սեփական նախաձեռնություններով հանդես գալ։
Բայց, ախր հենց այդ բայցերը ամեն ինչ փչացնում են, մի շարք պաշտոնական աղբյուրներում՝ այդ թվում ԿԳ նախարարության պաշտոնական կայքում սևով սպիտակին գրված է՝ «համաձայն վարչապետի հանձնարարականի» և այլն։ Արդյոք այս տեղեկությունն էլ չի համապատասխանում իրականությանը։ Եթե դա այսպես է ուրեմն մենք գործ ունենք Կարապետյաի կաբինետում տեղի ունեցող «դավադրության» հետ, ինչը կրկին նշանակում է, որ ԿԳ նախարարը պետք է պատժվի։
Վերջապես արդեն քանի օր է ամբողջ հայաստանյան մեդիամիջավայրը ցնցվում է այս հանձնարարականից, միթե վարչապետի խորհրդականներից որևէ մեկը այս մասին չի տեղեկացրել բազմազբաղ Կարեն Կարապետյանին, որպեսզի խնդիրը արագորեն լուծում ստանար և ոչ թե իրավիճակն ավելի սրվեր «ոտքի վրա արված» այն հայտարարությամբ, թե՝ «գիտեք, ես նման հանձնարարակն չեմ տվել, բանից խաբար չեմ»։
Ինչևէ ամեն դեպքում սպասենք ԿԳ նախարարի պատժին, կամ գուցե վարչապետի ներողությա՞նը։
Արշակ Սարգսյան