Սպիտակ տան նախկին գլխավոր խորհրդական Սթիվեն Բենոնը հանուն Թրամփի «պատերազմի է գնում»
Քաղաքականություն
Սպիտակ տան նախկին գլխավոր խորհրդական Սթիվեն Բենոնը պաշտոնաթողությունից հետո առաջին հրապարակային հայտարարությամբ է հանդես եկել։
Մասնավորապես՝ Բենոնը հայտարարել է, որ պատրաստ է հետագայում էլ պայքարել ԱՄՆ նախագահ Դոնալդ Թրամփի հակառակորդների դեմ, այդ թվում՝ լրատվամիջոցների։ Բենոնի խոսքերը մեջբերում է Bloomberg գործակալությունը։
«Եթե այստեղ որեւէ թյուրըմբռնում կա, թույլ տվեք ինձ հստակեցնել՝ ես լքում եմ Սպիտակ տունն ու պատերազմի գնում հանուն Թրամփի՝ նրա հակառակորդների դեմ՝ Կապիտոլիումի, լրատվամիջոցների եւ կորպորատիվ Ամերիկայի», - ասել է նա։
Բենոնն ընդգծել է, որ լիազորությունները վայր դնելու որոշումն ինքն անձամբ է կայացրել։ «Օգոստոսի 7-ին ես խոսեցի Սպիտակ տան աշխատակազմի ղեկավար Ջոն Քելիի եւ նախագահի հետ։ Ես նրանց ասացի, որ հաջորդ երկուշաբթի՝ օգոստոսի 14-ին, պաշտոնաթող կլինեմ»,-ասել է նա։
Բենոնի խոսքով՝ ինքը ծրագրել է մեկ տարի աշխատել Թրամփի հետ այն պահից, երբ 2016 թվականի օգոստոսի 14-ին նրա նախընտրական շտաբում ղեկավար պաշտոններից մեկը զբաղեցրեց։
1
2
3
4
5
1
2
4
5
3
5
