Խաղաղօվկիանոսյան կղզիների բնակիչների մի մասի ԴՆԹ-ն չի համապատասխանում մարդ արարածի նախնիների ԴՆԹ-ին
ՀասարակությունԱնցյալ տարի գիտնականները հայտնաբերել են նախկինում անհայտ հոմինիդների խմբի ԴՆԹ:
Խաղաղ օվկիանոսի հարավային մասի կղզիները Երկիր մոլորակի ամենամեկուսացված և յուրօրինակ վայրերից են համարվում, սակայն նոր հետազոտությունները ցույց են տվել, որ դրանք էլ ավելի արտասովոր են, քան մենք կարծում ենք:
Վերոնշյալ լուսանկարում Հանուաբադա գյուղի երեխաները փողոցում կրիկետ են խաղում, 2012 թ. փետրվարի 24, Պորտ-Մորսբի, Պապուա-Նոր Գվինեա
Տեխասի նահանգի համալսարանի գիտնականները հայտնաբերել են նախկինում անհայտ հոմինիդների ԴՆԹ մելանեզիացիների օրգանիզմում: Վերջիններս ցեղ են, որոնք ապրում են Ավստրալիայի հյուսիս-արևելքում, ավելի կոնկրետ՝ Պապուա-Նոր Գվինեայում և դրա հարակից կղզիներում: Ի դեպ, տիպիկ մելանեզիացիները արտասովոր արտաքին տեսք ունեն՝ չափազանց մուգ մաշկ և բաց վարսեր:
Համակարգչային անալիզը ցույց է տալիս, որ այս անհայտ հոմինիդները ո՛չ նեանդերթալցիներ են, ո՛չ էլ դենիսովյան մարդիկ: Այս երկուսը, ինչպես հայտնի են, եղել են մերօրյա մարդ արարածի նախնիները:
Հնէաբանները նեանդերթալցիների շատ մնացորդներ են գտել Եվրոպայում և Ասիայում, և չնայած որ դենիսովյան մարդու միակ ԴՆԹ-ն ստացվել է մատի ոսկորից և մի քանի ատամներից՝ գտնված սիբիրյան քարանձավում, երկու տեսակներն էլ ուսումնասիրված են և գրանցված:
Սակայն այժմ մելանեզիացիների գենետիկ մոդելավորումը ցույց է տալիս, որ մեր նախնիների ևս մեկ՝ երրորդ տեսակ է գոյություն ունեցել, որը, հնարավոր է, նեանդերթալցիների մահացած «բարեկամն» է եղել:
«Մենք կա՛մ բաց ենք թողնել մոլորակի բնակչության մեծ մասի մասին տեղեկություններ, կա՛մ էլ դրանց հարաբերությունների մեջ ինչ-որ բան սխալ ենք հասկանում,- խոստովանում է գիտական աշխատակից Ռայան Բոլենդերը, ով զբաղվում է այս հարցով:- Մարդկային պատմությունը շատ ավելի բարդ է ուսումնասիրելը, քան մենք պատկերացնում էինք»: