Հայաստանում խմելու ջրի հետ կապված շատ խնդիրներ կան. բնապահպան
ՀասարակությունԽմելու ջրի հետ կապված խնդիրներն անվերջ են։ Այս մասին օգոստոսի 10-ին լրագրողների հետ հանդիպման ժամանակ ասաց բնապահպան Կարինե Դանիելյանը։
Նրա խոսքով՝ գործընկերների հետ միասին պայքարել է խմելու ջրի պաշարների նկատմամբ ճիշտ վերաբերմունքի համար։ «Երկար ժամանակ բնապահպանների խմբի հետ պայքարում էինք, որ ջրի նվազագույն քանակն անգամ, որն անհրաժեշտ է մարդուն խմելու կամ սանիտարահիգիենիկ պայմաններն ապահովելու համար, անվճար հատկացվի։ Իսկ եթե այդ նորմերը խախտվում են, ապա հատկացվող ջրից թող հարկ գանձնեն»,- հիշեցրեց Դանիելյանը՝ հավելելով, որ իրենց կարծիքն այդպես էլ հաշվի չառան։ Միայն խոստումներ տրվեցին, որ հասարակության սոցիալապես անապահով շերտերին կա՛մ զեղչեր կհատկացնեն, կա՛մ ջուրը նրանց անվճար կտրվի։ Սակայն նույնսկ դա չարվեց։
Դրա հետ մեկտեղ՝ փորձագետը նկատեց, որ շատ լավ հասկանում է, թե ինչպիսի խնդիրների հետ է բախվել «Վեոլիա ջուր» ընկերությունը։ «Կորուստները մեծ են։ Տարբեր տվյալներով՝ դրանք 60-80 տոկոս են կազմում։ Համակարգը պետք է հիմնովին թարմացվի։ Նրանք ջուրն օգտագործում են՝ ինչպես ցանկանում են, եւ դրա համար չեն վճարում»,- ասաց բնապահպանը՝ հավելելով, որ ճիշտ չէր լինի համաձայնել խմելու ջրի սակագինը բարձրացնելու «Վեոլիա ջուր» ընկերության առաջարկի հետ։
Հիշեցնենք, որ «Վեոլիա ջուր» ընկերությունը՝ հունվարի 1-ից ջրամատակարարման միակ օպերատորը, Հանրային ծառայությունները կարգավորող հանձնաժողովի քննարկմանն է ներկայացնել Հայաստանում խմելու ջրի սակագինը 14.3 դրամով թանկացնելու առաջարկությունը։