Աշխարհում առաջին անգամ երեխայի 2 ձեռքի փոխպատվաստման բարեհաջող վիրահատություն է իրականացվել (լուսանկարներ)
PhotoԶիոն Հարվի անունով տղան աշխարհում առաջին երեխան է, որին 2 ձեռքի փոխպատվաստման բարեհաջող վիրահատություն է իրականացվել։
Ինչպես նշում է The Guardian-ը, բարդ վիրահատությունն անցկացվել է ԱՄՆ-ում՝ 2015թ. հուլիսին։ Այն տևել է մոտ 11 ժամ ու ներառել 4 բժշկական թիմ։
Պարբերականը նկատում է, որ 10-ամյա տղայի վիրահատության ու դրա հաջող ելքի մասին մասնագետները միայն հիմա են հայտնել։
Նրանք մանրամասնել են, որ այս վիրահատությունը նոր հեղոփոխական էջ է բացել համաշխարհային բժշկության փոխպատվաստման ոլորտում։
Այժմ տղան կարողանում է բեյսբոլ խաղալ, մկրատ օգտագործել ու ձեռքի շարժումների ազատության հարցում չի տարբերվում հասակակիցներից։ Փոքրիկը խոստովանել է, որ վիրահատությունից հետո վերականգնողական բարդ շրջան է անցել, սակայն հիմա իր կյանքն ամբողջովին այլ է։
Աղբյուրը նկատում էմ, որ օրգանի փոխպատվաստումը բավական ռիսկային վիրահատություն է, քանի որ հիվանդի օրգանիզմը կարող է չընդունել այլ մարդու օրգանը ու լուրջ հետևանքներ առաջացնել։
Հայտնի է, որ աշխարհում ձեռքի փոխպատվաստման առաջին վիրահատությունն իրականացվել է 1998թ., իսկ 2 տարի անց տեղի է ունեցել հասուն մարդու 2 ձեռքի փոխպատվաստման առաջին վիրահատությունը։
Մինչդեռ երեխայի ձեռքի փոխպատվաստման առաջին վիրահատությունն իրականացվել է 2.000թ.՝ Մալայզիայում։