Հասարակական սննդի կետերի հարկերի վերաբերյալ օրինագիծը շատ խիստ է . վարչապետ
ՔաղաքականությունՀասարակական սննդի կետերի համար նոր օրենքները շատ խիստ են եւ հնարավոր է, վերանայել է պետք։ Այս մասին հուլիսի 13-ին կառավարության նիստում հայտարարեց Հայաստանի վարչապետ Կարեն Կարապետյանը ։
Գործող օրենսդրության համաձայն՝ ռեստորանները, սրճարանները եւ այլ կետեր ֆիքսված հարկեր են վճարում, եթե այցելուների համար նրանց տարածքը չի գերազանցում 600 ք/մ-ն։ Եթե գերազանցում է, նրանք անցում են կատարում կամ շրջանառության հարկին կամ ԱԱՀ-ին (կախված շրջանառության մեծությունից)։ Բացի այդ, հաշվապահական հաշվառում վարելու կարիք կլինի։
Վերջին օրինագծերից մեկն առաջարկում էր այդ շեմը նվազեցնել մինչեւ 100ք.մ., այսինքն՝ շրջանցել միայն փոքր սրճարաններն ու ռեստորանները։ Վերջերս տեղի ունեցած մանր ու միջին ձեռներեցությանն աջակցող խորհրդի նիստում գործարարներն անհանգստություն հայտնեցին այս կապակցությամբ։
«Այստեղ քննարկելու բան կա։ Այդ պատճառով տնտեսական զարգացման եւ ներդրումների, ֆինանսների նախարարներին, ինչպես նաեւ պետեկամուտների կոմիտեի ղեկավարին հանձանարարում եմ մեկ ամսում նոր առաջարկություններ ներկայացնել»,- նշեց վարչապետը ։