Շունը դարձել է ամերիկյան քաղաքի քաղաքապետ՝ հաղթելով էշին, կատվին և հավին
LifeԱՄՆ-ի Կենտուկի նահանգի Ռեբիթ Հեշ քաղաքի քաղաքապետի պաշտոնում չորրորդ անգամ շուն է ընտրվել: Այս մասին հայտնում է WDRB-TV-ը:
Աղբյուրի հաղորդմամբ՝ նոր քաղաքապետ է դարձել Բրինեթ Պաուլտրո անունով երեք տարեկան պիտբուլը, որը հաղթել է հավին, կատվին, էշին և ընտրություններին մասնակցած այլ թեկնածուներին:
Հայտնի է, որ 1998 թվականին Ռեբիթ Հեշի քաղաքապետ է ընտրվել Գուֆի Բորնմեն անունով շունը, որը մահացել է 2001 թվականին: Նրան փոխարինել է Ջունիոր Կոկրան անունով սև լաբրադորը: Երրորդ քաղաքապետ է դարձել Լյուսի Լյու անունով բորդեր կոլլին՝ յոթ տարի զբաղեցնելով այս պաշտոնը:
Նշվում է, որ Ռեբիթ Հեշի քաղաքապետն իրական իշխանություն չունի և ոչ մի կերպ չի ազդում հասարակական կյանքի վրա: Ընտրություններն անցկացվում են քաղաքում բարեկարգման աշխատանքներ անցկացնելու համար անհրաժեշտ միջոցներ հավաքելու նպատակով: Ընտրություններին մասնակցելու համար անհրաժեշտ է վճարել մեկ դոլար, ընդ որում՝ կարելի է քվեարկել մի քանի անգամ: Այս տարի ընտրություններից ստացված միջոցները կուղղվեն հրդեհից տուժած խանութի վերանորոգմանը: