Լոնդոնում մի քանի բազմաբնակարան շենքերի բնակիչներ են տարհանվել
ՀասարակությունՄեծ Բրիտանիայի մայրաքաղաքի հյուսիսում մի քանի բազմաբնակարան շենքերից բնակիչներ են տարհանվել։ Քաղաքային իշխանությունները նրանց տարհանել են Գրենֆել Թաուերում հրդեհից հետո, որը 79 մարդու կյանք է խլել։ Այս մասին հաղորդում է Euronews-ը։
Քաղաքային իշխանությունների ներկայացուցիչների խոսքով՝ հրշեջ ծառայությունները չեն կարող երաշխավորել բնակիչների անվտանգությունը։ Ուստի նրանց որոշել են տարհանել՝ մինչեւ անվտանգության խստացման աշխատանքների ավարտը։
Գրենֆել Թաուերում հրդեհից հետո պարզվել է, որ շինության երեսպատվածքը, ինչպես Բրիտանիայում շատ այլ շենքերի, չի համապատասխանել հրդեհի դեպքում անվտանգության նորմերին։ Շենքը հրկիզվել է սառնարանի հրդեհի պատճառով։