ՀՎԿ-ականները ավագանու նիստին էին մասնակցում. 300 հազար դրամի «բազարը»
ՔաղաքականությունԱյսօրտեղի ունեցավ Գյումրու ավագանու այս նստաշրջանի վերջին նիստը: Ինտրիգն այն էր, որ ավագանու նիստին «Բալասանյան» խմբակցության անդամներից զատ, մասնակցում էին նաեւ «Հայկական Վերածնունդ» կուսակցության ավագանու չորս անդամները:
Ուշագրավն այն է, որ օրեր առաջ մամուլում տեղեկություններ հրապարակվեցին, որ Գյումրու քաղաքապետի ավագ որդին՝ Միսակ Բալասանյանը հանդիպել է ՀՎԿ-ականների հետ եւ յուրաքանչյուրիյն խոստացել 300 հազար դրամ, որպեսզի վերջիններս ներկայանան ավագանու նիստերին: Այսօր արդեն ՀՎԿ Գյումրու ավագանու անդամները նիստին մասնակցում էին: Իհարկե նրանք հերքել են մամուլի հրապարակումները:
Հիշեցնենք, որ Գյումրու 2016 թվականի ՏԻՄ ընտրություններից հետո, ԳԱԼԱ, ԲՀԿ եւ ՀՎԿ կուսակցությունները բոյկոտում էին ավագանու նիստերը, քանի որ նոր ընտրական օրենսգրքի համաձայն ԿԸՀ ԲՀԿ եւ ՀՎԿ կուսակցություններից մեկական ավագանու մանդատներ վերցրել եւ տվել էր ՀՀԿ-ին, որն էլ ներկայացնում էր «Բալասանյան» դաշինքը: