Չեխիայի ոստիկանությունը հայի է փնտրում, ում մեղադրում են 2 մարդու սպանության փորձի մեջ

Անցյալ տարվա աշնանը Չեխիայի ոստիկանությունը պարզել է, որ մայրաքաղաքի Զլիչին շրջանում՝ նույնանուն առեւտրի կենտրոնի մոտ կատարված հրաձգության հեղինակը արտասահմանյան երկրի քաղաքացի է: Միջադեպը տեղի է ունեցել 2016 թվականի հուլիսի սկզբին, հայտնում է Aroundprague-ն:

Որոշ ժամանակ անց հետախուզում է հայտարարվել Հայաստանի ներկայացուցիչ Նորայր Ծատուրյանի նկատմամբ: Քննության վարկածով՝ հենց նա է կրակոցների հեղինակը, որոնց հետեւանքով մի քանի վիրավորում է հասցրել 47-ամյա տղամարդուն եւ փորձել է սպանել եւս մեկ տղամարդու՝ նրա վրա կրակելով, սակայն վրիպել է:

«Ոստիկանությունն իր տրամադրության տակ բավարար քանակով հանցանշաններ ունի, որպեսզի Հայաստանի քաղաքացուն կատարածի համար մեղադրանք ներկայացնի»,- ավելի վաղ հայտարարել է Պրահայի ոստիկանության մամուլի քարտուղար Անդրեա Զոուլովան: Իրավապահներին, սակայն, դեռեւս չի հաջողվել հայտնաբերել հանցագործության վայրից փախուստի դիմած հային:

Չնայած երկու ծանր հանցագործությունների մեջ մեղադրվող տղամարդն ազատության մեջ է, նրան 2 քաղաքացու սպանության փորձի մեղադրանք է ներկայացվել, որի համար մինչեւ 20 տարվա ազատազրկում է սպառնում:

«Գործը վերաորակավորվել է, հիմա արտասահմանցուն սպառնում է 12-ից մինչեւ 20 տարվա ազատազրկում»,- հայտարարել է Պրահայի քաղաքային դատարանի մամուլի քարտուղար Մարկետա Պուցին: