ՔԱԳՎ-ում քննարկվել են Հայաստանի եւ Իռլանդիայի միջեւ օդային հաղորդակցության հարցը
Հասարակություն
Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետի տեղակալ Արսեն Պողոսյանն այսօր՝ մայիսի 16-ին, ընդունել է Իռլանդիայի պատվիրակությանը՝ ի դեմս Իռլանդիայի ավիացիոն իշխանության ղեկավար Էամոնն Բռեննանի:
Քաղաքացիական ավիացիայի գլխավոր վարչության մամուլի ծառայությունից NEWS.am-ին հայտնում են, որ հանդիպման ընթացքում քննարկվեցին Հայաստանի եւ Իռլանդիայի միջեւ օդային հաղորդակցությունների ոլորտում համագործակցության վերաբերյալ մի շարք հարցեր, այդ թվում՝ երկու պետությունների միջեւ ուղիղ օդային հաղորդակցության հաստատման հնարավորության հարցը, որն իր դրական ազդեցությունը կունենա երկու երկրների միջեւ համագործակցության զարգացման վրա:
Անդրադարձ կատարվեց նաեւ «Եվրակոնտրոլ» միջազգային կազմակերպության շրջանակներում իրականացվող աշխատանքներին եւ սպասվող ընտրություններին:
Հանդիպման ավարտին հյուրերը շրջայց կատարեցին «Հայաէրոնավիգացիա» ՓԲ ընկերությունում եւ «Զվարթնոց» միջազգային օդանավակայանում՝ ծանոթանալով ենթակառուցվածքներին:
1
2
3
4
5
1
4
5
1
2
3
5
