Իրան. ԼՂ հակամարտության կարգավորման հարցում հիմնական գործոններից մեկն Արցախի ժողովուրդն է
ՔաղաքականությունԸստ Իրանի ԼՂ հակամարտության կարգավորման գործընթացում կարևոր երկու գործոն է դեր խաղում՝ ժամանակը և հակամարտության կողմերի լուրջ մոտեցումները:
Այս մասին, պատասխանելով ԱՊԱ-ի թղթակցի հարցին, թե ինչպես է ընկալում Իրանը ղարաբաղյան հակամարտության կարգավորման գործընթացում ՌԴ վերջին շրջանի ակտիվությունը, նշել է Իրանի ԱԳՆ խոսնակ Բահրամ Քասեմին:
Հակամարտությունները, որոնք կապված են տարածքային պահանջների հետ, չեն կարող լուծվել միայն մի գործոնի առկայությամբ, սասել է նա:
Ըստ նրա, կարգավորման գործընթացում դեր են խաղում մի շարք գործոններ: Վերջում դրանք պետք է միավորվեն, որպեսզի հարցը լուծում ստանա: «Այնպես որ ես կարծում եմ, որ կարծիքն այն մասին, թե հակամարտությունը կարող է կարգավորվել մեկ անձի կամ մեկ երկրի կողմից սխալ է: Կարգավորումը հնարավոր է միայն բոլոր գործոնների համադրմամբ»,- նշել է նա:
Քասեմին նաև ընդգծել է, որ հակամարտության կարգավորման հիմնական գործոններից մեկն է Լեռնային Ղարաբաղի ժողովուրդը. «Հարկ է ամենայն լրջությամբ մոտենալ այս հարցին: Կարգավորել Լեռնային Ղարաբաղի հակամարտությունն առանց ժողովրդի դերակատարությունը հաշվի առնելու անհնար է: Ժողովրդի դերը կարգավորման գործում է որոշիչ է լինելու»: