Դավիթաշենում 23 բարդի հատելու մեջ մեղադրվողին ազատ են արձակել
Հասարակություն
News.am-ը գրում է.
Դավիթաշենում 23 բարդի հատելու մեջ մեղադրվող Ալեքսան Սամսոնյանն ապրիլի 28-ին ազատ է արձակվել: Այս մասին այսօր՝ ապրիլի 29-ին, NEWS.am-ի հետ զրույցում ասաց նրա շահերի պաշտպան Արմեն Մելքոնյանը: Նա նշեց, որ իր պաշտպանյալի խափանման միջոցը փոխելու մասին միջնորդություն է ներկայացրել դատախազին, որը բավարարվել է: Ալեքսան Սամսոնյանի նկատմամբ խափանման միջոց է կիրառվել ստորագրությունը՝ չհեռանալու մասին:
Հիշեցնենք, որ Երեւանի Աջափնյակ եւ Դավիթաշեն վարչական շրջանների ընդհանուր իրավասության դատարանը բավարարել էր նախաքննական մարմնի միջնորդությունը եւ կալանավորել Դավիթաշենում 23 բարդի հատելու մեջ մեղադրվող Ալեքսան Սամսոնյանին:
Նրան մեղադրանք է առաջադրվի ոչ թե ՔՕ-ի 296-րդ հոդվածի 3-րդ մասով, այն է՝ ծառերի, թփերի եւ բուսածածկի ապօրինի հատումը խոշոր վնաս պատճառելով:
Ալեքսան Սամսոնյանը չի ընդունում իրեն առաջադրված մեղադրանքը:
Հիշեցնենք, որ ապրիլի 10-ին ոստիկանության Մաշտոցի բաժնում ահազանգ էր ստացվել, որ Աղաբաբյան փողոցում՝ «Դելֆին» լողավազանի դիմաց, 23 բարդի են հատել:
1
2
3
4
5
1
2
4
5
3
4
