Ամռանն ընդառաջ. ազատվեք առատ քրտնարտադրությունից
LifeԱվելորդ քրտնարտադրությունը սովորաբար մարդու մոտ առաջ է գալիս է մեծ ֆիզիկական ծանրաբեռնվածության կամ օդի բարձր ջերմաստիճանի պատճառով:
Սակայն քրտնարտադրության պատճառները կարող են վկայել նաև մի շարք օրգան համակարգերի աշխատանքի խախտումների մասին, ինչպես օրինակ նյարդային, նյութափոխանակության և էնդոկրին:
Ներկայացնում են այս բարդ խնդրից ազատվելու մի քանի եղանակ: Քրտնարտադրության դեմ պայքարելու խնդրում առաջին տեղում են հակաքրտինքային միջոցները: Պարզվում է` դեզոդորանտ-հակաքրտինքային միջոցները 40 % կարողանում են փակել քրտնագեղձերին: Եվ դա շատ դեպքերում օգնում է գրեթե լիարժեք հաղթահարել քրտնարտադրության խնդիրը: Իսկ եթե այս միջոցն էլ չի օգնում, ապա տվյալ դեպքում հարկավոր է մտածել ավելի կտրուկ միջոցների մասին:
Քրտնարտադրության բուժումը ներառում է նաև բնական գործվածքներից հագուստների կրում, բժշկի կողմից նշանակված հանգստացնող դեղամիջոցների ու կալցիումի ընդունում: Թևատակերի ու ոտնաթաթերի քրտնարտադրության վերացման համար, կարելի է մաշկը մշակել ֆորմալինի թույլ լուծույթով և այլն:
Սակայն հիշեք, որ այս բոլոր միջոցները երկարատև օգտագործման դեպքում կարող են դառնալ գրգռվածության ու ալերգիկ մաշկաբորբի պատճառ: Ուստի նրանց ազդեցությունը կարճաժամկետ է։
Եթե ոչ մի կերպ չի ստացվում լուծել այդ խնդիրը, ապա վերջում մնում է կիրառել վիրահատական տարբերակը, որի ժամանակ կատարվում է շատ քրտնագեղձեր պարունակող մաշկի հատվածի հեռացում:
Անի Գևորգյան