Պարագվայում տեղի է ունեցել երկրի պատմության մեջ ամենահանդուգն կողոպուտը
ՄիջազգայինՊարագվայի ոստիկանությունը հետաքննում է երկրի պատմության մեջ ամենախոշոր կողոպուտը, որը տեղի է ունեցել Սյուդադ դել Էստե քաղաքում։ Ավազակների մեծ մասին հաջողվել է անհետանալ՝ հափշտակած գումարների հետ միասին։ Ոչ պաշտոնական տվյալներով՝ ավազակները հափշտակել են տասնյակ միլիոնավոր դոլարներ, հաղորդում է Newsru-ն։
Երկուշաբթի օրը կեսգիշերին մոտ 60 չարագործներ հարձակվել են В Սյուդադ դել Էստեում գտնվող Prosegur S.A. գանձիչ ընկերության վրա՝ պայթեցնելով շինության մուտքը, գրում է Ultima Hora-ն։ Նրանց եւ դեպքի վայր ժամանած ոստիկանենրի միջեւ փոխհրաձգություն է սկսվել, որը տեւել է մոտ երկու ժամ։ Իսկ հետո ավազակները սկսել են նահանջել ու առեւանգելով 40 մլն դոլար՝ փախել են։ Սակայն ընկերությունում նշում են, որ կողոպուտի հետեւանքով վնասի չափերը ուռճացված են։ Բացի այդ, չարագործներին հաջողվել է բացել երեք գանձարաններից մեկը։
Նահանջի ժամանակ հանցագործներն այրել են իրավապահների ավտոմեքենաներն ու հարձակվել ոստիկանական տեղամասի վրա։
Ավազակներին որոնում են Բրազիլիայում եւ Պարագվայում, հաղորդում է Fox News-ը։ Արդյունքում Բրազիլիայի դաշնային ոստիկանությունը հայտնաբերել է 12 մարդու, որոնք զենքը ձեռքին հատել են սահմանը։ Ենթադրաբար, նրանք մասնակցել են ֆիրմայի վրա հարձակմանը։ Փոխհրաձգությունից հետո նրանցից ոմանց հաջողվել է փախչել, սակայն հանցագործներից երեքը սպանվել են ոստիկանության կողմից, իսկ չորրոդ կասկածյալին հաջողվել է ձերբակալել։