Ձերբակալվել է «Բորուսիա»-ի ավտոբուսի մոտ պայթյունների ենթադրյալ կազմակերպիչը
ՀասարակությունԳերմանիայի Բադեն-Վյուրթենբերգ դաշնային հողի GSG-9 ոստիկանության հատուկ նշանակության ջոկատի մարտիկները ձերբակալել են տղամարդուն, ում կասկածում են ապրիլի 11 –ի երկոյան Դորթմունդի «Բրուսիա» ֆուտբոլային ակումբի ավտոբուսի մոտ տեղի ունեցած պայթյուններին մասնակցություն ունենալու մեջ: Այս մասին ուրբաթ օրը` ապրիլի 21-ին, հայտնել Spiegel Online պարբերականը` վկայակոչելով իրավապահ մարմիններում գտնվող աղբյուրներին:
Ըստ պարբերականի` ենթադրյալ հանցագործը 28-ամյա ռուսական ծագումով գերմանացի Սերգեյ Վ.-ն է: Հետաքննության տվյալներով նա ծայրահեղական չէ, այլ գործել է միայն «շահադիտական նկատառումներից» ելնելով:
Հավանական դրդապատճառ է համարվում այն, որ միջադեպին կհետեւեր «Բորուսիա»-ի բաժնետոմսերի անկումը, ինչի շնորհիվ Վ.-ն հույս է ունեցել գումար վաստակել թղթերի արժեզրկման արդյունքում:
Ապրիլի 11-ի երեկոյան` ՈՒԵՖԱ-ի չեմպիոնների լիգայի խաղից առաջ ընդդեմ «Մոնակո»-ի, «Բորուսիա» ֆուտբոլային ակումբի ավտոբուսի մոտ երեք ռումբ է պայթել:
Ըստ Bild պարբերականի` Սերգեյ Վ.-ն, ով ունի նաեւ Ռուսաստանի քաղաքացիություն, ժամանել է «L`Arrivée» հյուրանոց, որտեղ խաղից առաջ տեղավորվել է նաեւ Դորթմունդի թիմը: Պայթուցիկ սարքերը նա գործի է դրել հեռակառավարման վահանակի միջոցով: