Տեր-Պետրոսյանը «դաստիարակում է» քաղաքական տգետներին
ՎերլուծությունՀայաստանյան հետընտրական մի շարք մտայնությունների ֆոնին` համառոտ հոդված է հրապարակել առաջին նախագահ Լևոն Տեր-Պետրոսյանը: Երեք առանցքային կետերով Տեր-Պետրոսյանն անդարդարձել է ընտրակաշառքների շուրջ որոշ քաղաքական ուժերի ու գործիչների դրսևորած վարքագծին, որոշակի տեղեկատվական ու հասարակական-քաղաքական հարթակներում հայաստանցի-ղարաբաղցի տարանջատման դրսևորւմներին ու պատրազմական վիճակի և զինադադարի տարբերությունները չպատկերացնողներին:
Պետք է շեշտել, որ Տեր-Պետրոսյանի հոդվածը բարդ և խորը քաղաքական գիտական վերլուծություն չէ, այլ շատ մատչելի լեզվով, պարզ ճշմարտության շարադրանք: Թերևս քաղաքական որոշակի շրջանակների մոտ համապատասխան գիտակցական մակարդակի առկայության պարագայում նման հոդվածի կարիք չէր լինի: Սակայն հայաստանյան քաղաքական դաշտը, բնականաբար, շարունակում է զարմացնել:
Տեր-Պետրոսյանը, գրեթե անգրագետ երեխային տառերը սովորեցնելու տոնայնությամբ, բացատրում է,որ երբեք չի կարելի է մեղադրել ժողովրդին, չի կարելի է զազրախոսել ժողովրդի մասին, չի կարելի պիտակներ կպցնել հասարակությանը կամ նրա որոշակի հատվածին: Բազմաթիվ արատավոր երևույթներ կան, որոնց թվում և ընտրակաշառքը, չնայած այն փաստին, որ ի հայտ են գալիս հասարկության ակտիվ մասնակցությամբ, սակայն բոլորովին այլ են դրանց հիմնապատճառները:
Հենց այս պատճառների մասին պետք է մտածեն և հենց այդ պատճառները պետք է արմատախիլ անեն բոլոր այն ուժերն ու գործիչները, որոնք առանց երկմտելու մի ամբողջ հասարակության հայտարարում են ծախվող կամ վաճառված, չհասկանալով հաճախ, որ ընտրակաշաքը շատ ավելի բարդ երևույթ է քան իրենք պատկերացնում են: Հենց այս մասին էլ խոսում է Տեր-Պետրոսյանը:
Մոտավորապես նույն տրամաբանությամբ Տեր-Պետրոսյանն անդրադառնում է ղարաբաղցի-հայաստանից տարանջատումներին ու ամենայն մանրամասնությամբ, այսպես ասած բացատրական աշխատանքներ տանում:
Ըստ էության պետք է նշել, որ Տեր-Պետրոսյանի նման հոդվածների կարիքը ընդհանրապես չէր լինի, եթե հայաստանյան հասարակական-քաղաքական դաշտում քաղաքական գործիչները, քաղաքագետներն ու թեկուզ նաև լրագրողները, գոնե մոտավոր պատկերացում ունենային արծարծվող հարցերի վերաբերյալ և այդ պատկերացումներին համապատասխան որևէ միտք կամ կարծիք արտահայտեին: Հակառակ դեպքում ստացվում է այնպես, որ արդեն Լևոն Տեր-Պետրոսյանն է սկսում տարրական հարցերը պարզաբանել հրապարակումով:
Թերևս անգամ այս պարագայում էլ հարց մնում է, թե հասու դարձավ արդյոք նման շրջանակներին առնվազն այն, որ երևույթների մասին կարծիք հայտնելուց, հասարակությանը կամ ժողովրդին պիտակավորելուց առաջ, գոնե պետք է մի քիչ կրթվել, կարդալ, հավասարակշռվել հետո նոր հանդես գալ հայտարարությամբ կամ որևէ տեքստով:
Աղասի Մարգարյան
PressMedia.am վերլուծաբան