Օլիգարխները բնակիչների հաշվին հետ են բերում ընտրություններին ծախսած միջոցները
ՔաղաքականությունԱյն օլիգարխ թեկնածուները, ովքեր քարոզարշավի ժամանակ ֆինանսական կորուստներ են ունեցել ընտրակաշառքի տեսքով, կամաց-կամաց վերադարձնում են ծախսածը: Ասում են` եթե ԴԱՀԿ նախկին պետ Միհրան Պողոսյանը դա անում է բանանի, Սամվել Ալեքսանյանը` շաքարավազի գինը բարձրացնելով, ապա ՍԱՍ-ի Արտակը` հաճախորդներին մոլորեցնելով: Ըստ լուրերի` ընտրական գործընթացում նա 5 մլն դոլար է ներդրել` ընտրական շտաբներ բացելու, աշխատավարձեր տալու, ընտրակաշառք բաժանելու համար:
Վերջին օրերին ՍԱՍ-ի հաճախորդները պարբերաբար խնդիրների են բախվում: Ցուցափեղկի վրա գրված գինը դրամարկղի մոտ դառնում է այլ գին, որն ավելի թանկ է լինում: Նկատելու ու բարձրաձայնելու դեպքում, աշխատակիցները պատասխանում են, որ «կոմպյուտերով այդքան է», իսկ երբ հաճախորդը սուպերմարկետի աշխատողի հետ մոտենում է ցուցափեղկին, որ ապացուցի, ասում են` «սխալմունք է եղել»:
Աղբյուրը՝ Mamul.am :