Իդլիբի քիմիական հարձակման յուրաքանչյուր զոհ ՌԴ-ի խղճին է. Մայքլ Ֆելոն
ՄիջազգայինՄայքլ Ֆելոնը Sunday Times-ի հոդվածում սիրիական Իդլիբ նահանգում տեղի ունեցած քիմիական հարձակման հետևանքով խաղաղ բնակիչների մահվան մեղքը բարդել է Ռուսաստանի վրա։ Նախարարն անցած երեքշաբթի թունավոր նյութերի կիրառումն անվանել է «բարբարոսական, անբարո և անօրինական»։
Նա ասել է, որ Թրամփի գործողությունը կրել է խելամիտ սահմանափակ բնույթ։ Նա հաայտնել է, որ Մոսկվան տեղի ունեցածի համար կրում է ոչ թե ուղիղ, այլ անուղղակի պատասխանատվություն որպես Բաշար Ասադի ռեժիմի «գլխավոր հովանավոր»։
«Վերջին տարիներին Ռուսաստանն ունեցել է բոլոր հնարավորություններն ու լծակները՝ պատերազմը կանգնեցնելու համար, և հիմա պարտավոր է ցուցաբերել վճռականություն սանձելու այդ ռեժիմը»,-գրել է Մայքլ Ֆելոնը։
«Մարդը, ով տակառային ռումբեր ու գազ է կիրառում իր ժողովրդի դեմ, իրավունք չունի գլխավորելու Սիրիան»,-գրել է նա։
Սիրիան զգում է առանց Ասադի կառավարության ու կայունության սուր կարիք։ «Դա բարդ, բայց իրագործելի հանձնարարություն է»,-եզրափակել է նա։