Պատմությունը միշտ անեծքով է հիշելու Ասադին. Էրդողան
ՄիջազգայինԹուրքիայի նախագահ Ռեջեփ Թայփ Էրդողանը հայտարարել է, որ Թուրքիան ուշի ուշով հետևում է Սիրիայում կատարվող իրադարձություններին և նշել, որ ԱՄՆ-ի կիրառած գործողությունները թեև դրական են գնահատվում Թուրքիայի կողմից, սակայն դեռևս անբավարար են Սիրիայի նախագահ Բաշար ալ Ասադի ուժերին սաստելու համար:
Ինչպես գրում է թուրքական gazeteduvar.com.tr կայքը՝ Էրդողանը հայտարարել է, որ պատմությունը միշտ անեծքով է հիշելու Ասադին:
Ինչպես ավելի վաղ հայտնել է tert.am-ը՝ Թուրքիան դրական գնահատական է տվել միջադեպին: Մասնավորապես՝ երկրի փոխվարչապետ Նուման Քուրթուլմուշն ասել է, որ «միջազգային հանրությունը պետք է դիմակայի Սիրիայի կառավարության բարբարոսություններին»:
Միացյալ Նահանգներն ապրիլի 6-ի երեկոյան թևավոր հրթիռներով հարվածել է Սիրիայի արևմտյան Հոմս նահանգում գտնվող կառավարական ուժերի ռազմաբազային, ինչն արվել է օրեր առաջ Իդլիբում սիրիացի զինվորականների կողմից քիմիական զենքի կիրառմանն ի պատասխան: