Որ պահին հանրությունը ընդվզման պահանջ ներկայացնի, լինելու ենք առաջին շարքերում. Սուսաննա Մուրադյան
Քաղաքականություն
«Ժառանգություն» կուսակցության վարչության անդամ Սուսաննա Մուրադյանը Tert.am-ի հետ զրույցում, անդրադառնալով Երևանի ավագանու ընտրություններին Օհանյան-Րաֆֆի-Օսկանյան դաշինքի մասնակցության հարցին, ասաց, որ այդ հարցը դեռ քննարկման փուլում է: «Հնարավոր է, ոչինչ չի բացառվում, դեռևս որոշում չունենք»,- ասաց նա:
Ինչ վերաբերում է դաշինքում ընդգրկված ուժերի հետագա համատեղ պայքարին նա ասաց, որ այդ հարցին ևս հստակ չի կարող պատասխանել, քանի որ ամեն ինչ քննարկումներ փուլում է : «Որևէ որոշում դեռևս չի կայացվել: Հավանականությունը մեծ է, որ մենք կշարունակենք մեր համատեղ պայքարը»,-ասաց նա;
Ըստ նրա` խորհրդարանական ընտրություններին Օհանյան-Րաֆֆի-Օսկանյան դաշինքը պարտություն չի կրել: «Մենք պարտություն չենք կրել, պարտվել է ժողովուրդը, որի մի մասը վաճառել է իր ձայնը, ինչպես նաև թվանկարչությամբ ձևավորվել է «Հանրապետական» կուսակցության մեծամասնությունը»,-ասաց նա:
Նա հիշեցրեց, որ իրենք համախմբման կողմնակից էին, որ իրավիճակ փոխեին, ինչը չկայացավ: Անդրադառնալով ավագանու ընտրություններին ընդառաջ այլ քաղաքական ուժի միանալու քննարկումների հարցին, Ռուզաննա Մուրադյանն ասաց, որ նման քննարկում չի եղել:
«Մենք միշտ ենք լայն կոնսոլիդացիայի կողմնակից, սակայն գրեթե չստացվեց Ազգային ժողովի ընտրությունների նախընտրական փուլում: Հիմա տեսնենք, միգուցե մեզ ցանկանան միանալ, դեռևս ոչ այդպիսի հայտ կա, ոչ էլ մենք ենք որևէ մեկին դիմել»,-ասաց նա: Ըստ նրա` ընդդիմադիր դաշտի չմիավորման համար բազմաթիվ պատճառներ կան, այդ թվում նաև հանրային պահանջի բացակայությունը: «Որ պահին, որ հանրությունը ընդվզման պահանջ ներկայացնի, պայքարելու լինելու ենք առաջին շարքերում»,- հավելեց նա:
1
2
3
4
5
1
4
5
1
2
3
5
