Մեդվեդեւը պատասխանել է Նավալնուն․ Հետաքննությունը իրականացվում է կոմպոտի սկզբունքով
ՄիջազգայինԱլեքսեյ Նավալնու հակակոռուպցիոն հիմնադրամի կողմից «Դմիտրի Մեդվեդեւի գաղտնի կայսրության» մասին հրապարակումից հետո վարչապետը հրապարակավ արտահայտվել է այդ թեմայով։ Մինչ այդ նա միայն սոցցանցում էր արձագանքել այդ հրապարակմանը, հայտնում է Meduza–ն։
«(Հետաքննությունը իրականացվում է) կոմպոտի սկզբունքով՝ վերցնում են տարատեսակ մրուր, հիմար բաներ, որոնք վերաբերում են ինձ, իմ ծանոթներին, մարդկանց, որոնց մասին ես առհասարակ երբեք չեմ լսել, ինչ-որ տեղերի մասին, որտեղ ես եղել եմ, ու տեղերի մասին, որոնց մասին ես նույնիսկ երբեք չեմ լսել, հավաքում են ինչ-որ թղթեր, լուսանկարներ, հագուստ, հետո ստեղծում են ինչ -որ արտադրանք ու ներկայացնում այն։ Իսկ եթե դրա դիմաց վճարված է՝ ապա արտադրանքը բավականին որակյալ է ստացվում։
Դա ձեռնտու է նրանց, ովքեր պատվիրում են նման սյուժեներ, նյութեր։ Դա, որպես կանոն, մարդիկ են, որոնք ունեն միանգամայն կոնկրետ քաղաքական նպատակներ։ Նրանք բնականաբար փորձում են ցույց տալ, որ իշխանությունն իրեն վատ է պահում, իսկ իրենք մյուսներից լավն են։ Այլ կերպ ասած, այդ բոլոր սյուժեները, որոնք նկարում են, ի դեպ մեծ գումարների դիմաց են նկարում ու ընդ որում այդ գումարները իհարկե ժողովրդից չեն հավաքւոմ, այնտեղ հովանավորներ կան, մասնավոր, որոնք կանգնած են այդ ամենի ետեւում, դրանք ուղղված են կոնկրետ քաղաքական արդյունք ապահովելուն»,- ասել է մասնավորապես Մեդվեդեւը, փոխանցում է Ինտերֆաքսը։
Ալեքսեյ Նավալնու Կոռուպցիայի դեմ պայքարի հիմնադրամը հրապարակել էր հետաքննություն վարչապետ Դմիտրի Մեդվեդեւի առանձնատների մասին։ Ամբողջ անշարժ գույքը գրանցված է Մեդվեդեւի համակուրսեցիների ընկերությունների ու ոչ առեւտրային հիմնադրամների վրա։ Դրանց վրա են գրանցված նաեւ Կրասնոդարսկի երկրամասում ո ւ Տոսկանայում խաղողի այգիները , նաեւ երկու առագաստանավեր, որոնք կոչվոմ են վարչապետի կնոջ՝ Սվետլանա Մեդվեդեւի եկեղեցական անունով։