Թուրքիայի հարավ-արևելքում պայթյունի հետևանքով զինվորականներ են մահացել
Ուշադրության կենտրոնում
Թուրքիայի հարավ-արևելքում գտնվող Շըրնաք նահանգում հզոր պայթյուն է որոտացել, այս մասին հայտնում է թուրքական DHA գործակալությունը:
Մայրուղու վրա տեղադրված ինքնաշեն պայթուցիկը գործի է դրվել այն պահին, երբ անցնելիս է եղել տարածքում քուրդ գրոհայինների դեմ գործողություն իրականացնող զինվորական մեքենաների շարասյունը: Մահացել է երեք զինվորական, ևս 5-ը ծանր վիրավոր են:
Հաղորդվում է, որ պայթուցիկը տեղադրել են «Քուրդիստանի աշխատավորական կուսակցություն» խմբավորման գրոհայինները։
Աղբյուրի փոխանցմամբ՝ վիրավորներին շտապ տեղափոխել են Շըրնաքի պետական հիվանդանոց, իսկ տեղում մնացած թուրք զինվորականներին միացել է օդուժը: Լարված բախումները շարունակվում են:
Հիշեցնենք, որ ՔԱԿ-ը քրդական կազմակերպություն է, որի հիմնական նպատակն է զինված պայքարի միջոցով Թուրքիայի հարավ-արևելյան, Իրաքի հյուսիսային, Իրանի հյուսիս-արևմտյան և Սիրիայի հյուսիս-արևելյան տարածքներում հիմնել քրդական անկախ պետություն: Թուրք-քրդական հարաբերությունների սրման հերթական փուլը սկսվել է 2015-ի ամռանը:
Կազմակերպությունը 1978 թվականին հիմնադրել է Աբդուլլահ Օջալանը:
1
2
3
4
5
1
4
5
1
2
3
5
