Ապրիլի 2-ին «Ծառուկյան» դաշինքը տանելու է համոզիչ հաղթանակ. Իշխան Զաքարյան (Ֆոտո)
ՔաղաքականությունԱպրիլի 2-ին «Ծառուկյան» դաշինքը տանելու է համոզիչ հաղթանակ: Այս մասին այսօր՝ մարտի 28-ին, Մարզահամերգային համալիրում «Ծառուկյան» դաշինքի ամփոփիչ հավաքին ասել է դաշինքի նախընտրական շտաբի պետ Իշխան Զաքարյանը:
«Ծառուկյան դաշինքն իր քարոզչությունը կառուցել է պարզ, հասկանալի, թափանցիկ և հասցեական: Այո, հասցեական. հասցեատերը ժողովուրդն է, որի հետ դաշինքի առաջնորդ Գագիկ Ծառուկյանը հանդիպել է 5 տասնյակ մեծ ու փոքր համայնքներում: Համամասնական ցուցակի մյուս թեկնածուները հանդիպումներ են ունեցել հարյուրավոր գյուղական համայնքներում և Երևանում: Դրանք եղել են անմիջական, սրտաբուխ և օգտակար հանդիպումներ: Մենք մեր ընտրողների հետ խոսել ենք բաց և առանց որևէ բան թաքցնելու: Մենք չենք քարոզել ներքին թշնամանք և ներքին ատելություն: Մենք ժողովրդի հետ խոսել ենք կոնկրետ ծրագրերից, տվել ենք դրանց լուծման ուղիները»,- ասել է Իշխան Զաքարյանը:
Այնուհետեւ հավաքի մասնակիցներին ցուցադրեցին դաշինքի նախընտրական շտաբի պատրաստած տեսաֆիլմը, որը պատմում է դաշինքի ստեղծման եւ քարոզարշավի մասին: