Եկեք լինենք անկեղծ
ՎերլուծությունՎարչապետ Կարեն Կարապետյանի 77%-ը ավանսով է տրված։ Ուղղակի մարդիկ հավատում են, որ Նա կարող է փոխել իրերի դրվածքը։ Այսինքն, դա ավելի շուտ մարդու ապագա գործնեությանը միտված % է, որը կարող էր լինել նույնիսկ ավելի շատ։
Իսկ Երևանի ներկայիս Քաղաքապետ Տարոն Մարգարյանը, արդեն մեկ տասնյակից ավել տարիներ տեղական ինքնակառավարման կառավարիչ է։ Կոնկրետ և տեսանելի տիրույթում է, 2005-ից Ավանի թաղապետ, 2012-ից Երևանի քաղաքապետ։ Եվ այդ առումով, հաշվի առնելով, որ գնահատվում է արածը և ոչ արվելիքը, այդ 60%-ը ահռելի տոկոս է, եթե հաշվենք, որ այն արդեն իրական միս ու արյուն ունի և հետևապես արածի համար վաստակած ցուցանիշ է։
Աշխարհի լիքը քաղաքների շատ ու խատ քաղաքապետեր կերազեին 60%-անոց ցուցանիշի մասին, ընդ որում ոչ թե ավանսով, այլ արած դրածի արդյունքում վաստակած։
Պիտի արձանագրել, որ սա հասարակության կողմից ուղարկած շա՜տ լուրջ վստահության չափաբաժնի մեսիջ է, ուղղված թե հենց Իրեն Երևանի Քաղաքապետին և թե բոլոր բարի ու չար կամեցողներին։
Երևանի բակային տարածքների վեպրականգնված գունազարդ կենցաղն ու խաղահրապարակները, քաղաքի կահավորանքը, գեղարվեստական լուսավորությունը, ծաղկապատումը,աղբահանությունը, վարչական շրջանների միջև խտրականություն չդնելը, մեր այսօրվա երևանյան առօրյան է ու այդ ամենի՝ որպես դրական ու կայուն առաջընթացի ամրագրումը հենց այդ 60%-ն է, որի ամբողջ էֆեկտը կայանում է նրանում, որ այն իրական է։