Ծովագյուղի համայնքապետը ութ միավոր անշարժ գույք ունի. «Փաստ»
Մամուլ
«Փաստ» օրաթերթը գրում է.
Նախորդ տարվա հոկտեմբերի 2–ին Գեղարքունիքի մարզի Ծովագյուղ համայնքի ղեկավար վերընտրված Վահրամ Գևորգյանը բավական շատ անշարժ գույք է հայտարարագրել:
Գևորգյանի հայտարարագրից տեղեկանում ենք, որ նա ունի երկու բնակարան՝ Սևանում և Ծովագյուղում, ինչպես նաև մեկ կիսակառույց առանձնատուն՝ Ծովագյուղում: Նա հայտարարագրել է 1200 քմ մակերեսով տնամերձ հողամաս, 0,6 և 10 հեկտար մակերեսով վարելահողեր և 0,7 և 12,8 հեկտար մակերեսով խոտհարքեր: Այս բոլոր հողամասերը գտնվում են Ծովագյուղ համայնքում:
Ծովագյուղի երիտասարդ գյուղապետը հայտարարագրել է նաև «Մերսեդես G500» մակնիշի ավտոմեքենա, իսկ նրա դրամական միջոցները պաշտոնը ստանձնելու օրվա դրությամբ կազմել են 1 միլիոն 200 հազար դրամ: Վերջինս հայտարարագրել է աշխատավարձից ստացված 1 միլիոն 440 հազար դրամի չափով եկամուտ:
Հավելենք, որ Գևորգյանը 2009 թ. աշխատել է Ծովագյուղի համայնքի ղեկավարի աշխատակազմի գլխավոր մասնագետ, 2011 թ.՝ համայնքի ղեկավարի տեղակալ, իսկ 2012 թ. ընտրվել է համայնքի ղեկավար:
Շարունակությունը` «Փաստ» օրաթերթի այսօրվա համարում:
1
2
3
4
5
1
4
5
1
2
3
5
