Գորիսում «ԿամԱԶ»-ի վարորդը վրաերթի է ենթարկել 58-ամյա տղամարդուն, օգնել նրան ու հեռացել
ՀասարակությունՓետրվարի 20-ին, ժամը 17.30-ին, հիվանդանոցից ոստիկանության Գորիսի բաժնում հաղորդում է ստացվել, որ «գլխի ճակատային շրջանի աջ կեսի սալջարդ, ենթամաշկային հեմատոմա, աջ դաստակի շրջանի սալջարդ վերք» ախտորոշմամբ իրենց մոտ է տեղափոխվել 58-ամյա մի տղամարդ եւ հայտնել, որ վնասվածքը ստացել է անհայտ ավտոմեքենայի վարորդի կողմից վրաերթի ենթարկվելու հետեւանքով:
Ոստիկանության մամուլի ծառայությունից NEWS.am-ին հայտնում են, որ ոստիկանության ծառայողները պարզել են, որ նույն օրը, ժամը 16.30-ի սահմաններում, «ԿամԱԶ 4310» մակնիշի ավտոմեքենայի վարորդը Գորիսի Մաշտոցի եւ Ավանգարդի փողոցների խաչմերուկում վրաերթի է ենթարկել հիշյալ տղամարդուն, ցույց տվել առաջին բուժօգնություն, պատահական ավտոմեքենայով ուղարկել է հիվանդանոց եւ հեռացել դեպքի վայրից:
Վարորդը ներկայացել է բաժին:
Կատարվում է քննություն: