Հայաստանին դուր չի գալիս, որ Ադրբեջանը զենք է գնում Ռուսաստանից. Նալբանդյան
Ուշադրության կենտրոնում
Հայաստանին, իհարկե, դուր չի գալիս, որ Ադրբեջանը սպառազինություն է գնում Ռուսաստանից։ Այս մասին RIA Novosti-ին հայտարարել է ՀՀ ԱԳ նախարար Էդվարդ Նալբանդյանը։
«Իհարկե, մեզ չի կարող դուր գալ, որ Ադրբեջանը զենք է գնում մեր դաշնակցից, որը որպես Մինսկի խմբի համանախագահ, շատ ջանքեր է գործադրում, նաեւ Հայաստանի հետ փոխհամագործակցությամբ, մեր տարածաշրջանում խաղաղության ու կայունության պահպանման համար», — ասել է նախարարը։
Նա նաեւ նշել է, որ Հայաստանը ստիպված է ջանքեր գործադրել՝ ուժերի հավասարակշռությունը պահպանելու համար։
«Ինչ վերաբերում է «սպառազինությունների մրցարշավին». Հայաստանը չէ, որ սպառնում պատերազմ սկսել, Հայաստանը չէ, որ պարծենում իր ռազմական բյուջեի թվերով եւ գնած զենքի քանակով, Հայաստանը չէ, որ խախտում է Եվրոպայում սովորական սպառազինությունների մասին պայամանգրի նորմերը։ Թե ինչի է դա հանգեցնում, մենք տեսանք այս տարվա ապրիլին։ Բնականաբար, այդ պայմաններում մենք ստիպված ենք ջանքեր գործադրել տարածաշրջանում ուժերի հավասարակշռությունը պահպանելու եւ նոր սրացումներ, նոր պատերազմ թույլ չտալու համար», - հավելել է Նալբանդյանը։
1
2
3
4
5
1
2
4
5
3
4
