ՏՂԱՄԱՐԴԻԿ ԶԳՈՒՇԱՑԵՔ. Այս դեղամիջոցները ազդում են տղամարդկանց սեռական կյանքի վրա
Life
Լինում են դեպքեր, երբ որևէ դեղամիջոցի առաջացրած կողմնակի բարդությունների հետևանքով հիվանդի մոտ ի հայտ են գալիս հիմնական հիվանդության հետ կապ չունեցող խնդիրներ: Օրինակ՝ արյան ճնշումը կարգավորող դեղամիջոցների հետևանքով տղամարդկանց մոտ կարող են առաջանալ խնդիրներ սեռական կյանքում: Բ.գ.թ. Կոնստանտին Սպախովի հավաստմամբ՝ նման կողմնակի բարդություններ առաջացնող դեղամիջոցներն առհասարակ բազմաթիվ են: Նման դեղամիջեցներ կան նույնիսկ հասարակ ցավազրկողների կամ հակաալերգիկների մեջ: Շատ են նաև նման դեղամիջեցները հակադեպրեսանտների և նյարդաբանական հիվանդությունների բուժման համար օգտագործվող դեղամիջոցների մեջ: Եթե ընդունած դեղամիջոցների հետևանքով առաջանում են խնդիրներ սեռական կյանքում, ապա հարկավոր է փոխել չափաբաժինը կամ առհասարակ դեղամիջոցը: Սակայն այդ ամենը հարկավոր է անել միայն բժշկի հետ խորհրդակցելուց հետո:
Ծայրահեղ դեպքում կան բազմաթիվ արդյունավետ դեղամիջեցներ, որոնք նշանակվում են էրեկտիլ դիսֆունկցիայի ժամանակ, ուստի եթե դեղամիջոցի փոփոխությունը չի օգնել, կարելի է ընդունել նաև այս դեղամիջոցները: Եթե խնդիրներ առաջացնող դեղը նշանակվել է կարճ ժամանակով, ապա կուրսն ավարտելուց հետո ամենայն հավանականությամբ ամեն ինչ կվերականգնվի: Նման դեպքերում շատ կարևոր է նաև կնոջ դերը և նրա պահվածքը: Հոգեբան Յուլիա Գուրևիչը խորհուրդ է տալիս նման խնդիրների առկայության դեպքում ոչինչ չանել և պարզապես նշանակություն չտալ այդ ամենին: Պետք չէ մխիթարել, պետք չէ ձևացնել, թե դա սովորական երևույթ է: Կանայք պետք է հիշեն, որ իրենք էլ ամեն անգամը չէ, որ կարող են օրգազմի հասնել, սակայն միշտ կարող են ձևացնել: Սակայն տղամարդիկ իրենց էությամբ այդպիսին չեն, ուստի չեն կարող ձևացնել: Սա իսկապես հասարակ երևույթ է, իսկ մարդիկ ռոբոտներ չեն: Պետք չէ դա մեծ խնդիր դարձնել:
Պարզապես հարկավոր է մեկ ուրիշ անգամ սեքսով զբաղվել և մոռանալ այդ դեպքի մասին: Նման անհաջող փորձից հետո ցանկալի է հաջորդ անգամ թույլ տալ, որ տղամարդն ինքը ստանձնի նախաձեռնությունը: Հարկ է հիշել, որ եթե խնդիրը պայմանավորված է հավելյալ գործոններով (այդ թվում նաև դեղամիջոցներով) և եթե սեքսն իսկապես կարևոր է տղամարդու համար, ապա նա կփորձի գտնել թերապիա, որը կողմնակի բարդություններ չի առաջացնի, և կլուծի խնդիրը: Եթե բուժումը կենսական նշանակություն ունի և ոչ մի այլ տարբերակ չկա, ապա հարկավոր է ընդունել այդ փաստը և չտանջել մեկմեկու ավելորդ փորձերով, հիստերիաներով ու անհանգստությամբ: Պարզապես անհրաժեշտ է որոշ ժամանակով փակել սեքսի թեման և վերադառնալ դրան մեկ ուրիշ անգամ: Մարդու սեռական պահվածքն ու սեռական ակտը կարգավորվում են օրգանիզմում մի քանի մակարդակով՝ սկսած կենտրոնական նյարդային ու էնդոկրին համակարգերից, մինչև սեռական օրգանների անոթների տեղային կարգավորումը: Սա է պատճառը, որ դեղամիջոցները կարող են տարբեր կերպ ազդել պոտենցիայի վրա: Օրինակ՝ սեռական ցանկությունն ու օրգազմից ստացած զգացողություններն ամենից շատ կախված են տղամարդկանց հորմոնի՝ տեստոստերոնի մակարդակից և կարգավորման կենտրոնական մեխանիզմներից, ուստի շատ դեղամիջոցներ կարող են ազդել լիբիդոյի և օրգազմի վրա: Առաջին հերթին այդ դեղամիջեցներն են. · Նեյրոլեպտիկները, · Հակադեպրեսանտները, · Հանգստացնող դեղամիջոցները, · Հակաէպիլեպտիկ դեղամիջեցները: Իրենց ազդեցությունն են ունենում նաև սպիրոնոլակտոն պարունակող միզամուղ դեղամիջոցները: Դրանք մեծացնում են պրոլակտին հորմոնի արտադրությունը, որը մրցակցում է տեստոստերոնի հետ, և դա հանգեցնում է լիբիդոյի և էրեկցիայի թուլացման: Շատ միզամուղներ այլ կերպ են գործում և դրանց բացասական ազդեցությունն ազդում է անոթների վրա՝ չազդելով սեռական պահվածքի վրա, բայց թուլացնելով պոտենցիան: Նմանատիպ ազդեցություն են ունենում նաև զարկերակային ճնումն իջեցնող շատ դեղամիջոցներ: Դրանց ազդեցությունը կախված է չափաբաժնից. որքան այն մեծ է, այնքան վառ են արտահայտվում կողմնակի բարդությունները: Բացի այդ, առողջ անոթներ ունեցող երիտասարդների մոտ բարդությունների առաջացման հավանականությունն ավելի ցածր է, քան անոթների հիվանդություն ունեցող տղամարդկանց մոտ: Դեղամիջոցների ազդեցության հետևանքով սեռական թուլության խնդրի առջև կանգնած շատ կանանց կարող են օգնել վիագրան, սիալիսը, լեվիտրան և էրեկտիլ դիսֆունկցիայի դեմ այլ դեղամիջոցները: Ընդ որում՝ բժշկի նշանակած դեղամիջոցներից կարելի է չհրաժարվել: Սակայն հարկավոր է հիշել, որ շատ դեղամիջոցների բացասական ազդեցությունից կարելի է ազատվել կամ գոնե թուլացնել՝ պարզապես ապրելակերպը փոխելով: Հարկավոր է նվազեցնել սննդի կալորիականությունը, շատ շարժվել, ազատվել ավելորդ կիլոգրամներից և հրաժարվել ծխախոտից: Սա շատ արդյունավետ մեթոդ է, նույնիսկ եթե անհեթեթություն է թվում: Դեղամիջոցներ, որոնք կարող են ազդել տղամարդու սեռական պոտենցիայի վրա Խոցային հիվանդության ու գաստրիտի դեպքում · Ցիմետիդին, · Ռանիտիդին, · Նիզատիդին: Նյարդային համակարգի հիվանդությունների դեպքում · Բիպերիդեն, · Բենզտրոպին, · Տրիհեքսիֆենիդիլ, · Պրոցիկլիդին, · Բրոմկրիպտին · Լեվոդոպա: Ալերգիաների և ճոճվելու հետևանքով առաջացած սրտխառնոցի դեպքում · Դիմենհիդրինատ, · Դիֆենհիդրամին, · Հիդրոքսիզին, · Պրոմետազին: Միզամուղներ · Հիդրոքլորթիազիդ, · Քլորտալիդոն, · Տրիամտերեն, · Ֆուրոսեմիդ, · Սպիրոնոլակտոն: Ցավի, բարձր ջերմության ու բորբոքումների դեպքում · Նապրոքսեն, · Ինդոմետացին: Արյան գերճնշման ու սրտի հիվանդությունների դեպքում · Մեթիլդոպա, · Վերապամիլ, · Նիֆեդիպին, · Հիդրալազին, · Կապտոպրիլ, · Էնալապրիլ, · Մետոպրոլոլ, · Պրոպրանոլոլ, · Լաբետալոլ, · Ատենոլոլ, · Ֆենոքսիբենզամին: Հակադեպրեսանտներ 1. Եռցիկլիկ հակադեպրեսանտներ · Ամիտրիպտիլին, · Իմիպրամին, · Կլոմիպրամին, · Տրիմիպրամին, · Նորտրիպտիլին, · Դոկսեպին, · Դեզիպրամին: 2. Սերոտոնինի հետզավթման ընտրողական արգելակիչ (ՍՀԸԱ) · Ֆլուոքսետին, · Պարոքսետին, · Սերտրալին, · Ֆլուվոքսամին, · Ցիտալոպրամ, · Էսցիտալոպրամ, · Դապոքսետին: Հարկ է հիշել, որ ոչ մի դեպքում չի կարելի ինքնուրույն դեղամիջեցներ ընդունել: Հարկավոր է ամեն դեպքում խորհրդակցել բժշկի հետ և բացատրել նրան, թե ինչումն է խնդիրը: Ինչ անել նման խնդրի դեպքում · Համոզել ամուսնուն խորհրդակցել բժիշկ-ուրոլոգի և դեղամիջոցները նշանակած բժշկի հետ, · Նվազեցնել դեղամիջոցի չափաբաժինը, · Խրախուսել ամուսնուն ազատվել ավելորդ քաշից, սպորտով զբաղվել և ավելի շատ շարժվել, · Օգնել նրան հրաժարվել ծխախոտից, · Փոխարինել դեղամիջեցը(բժշկի հետ համաձայնեցնելով) նմանատիպ ազդեցությաբ, սակայն այլ բաղադրիչներ պարունակող դեղամիջեցով, · Խորհուրդ տալ ամուսնուն ընդունել դեղամիջոցներ էրէկտիլ դիսֆունկցիայի դեմ:
1
2
3
4
5
1
4
5
1
2
3
5
