Ուսանողները կհամագործակցեն Ռազմավարական նախաձեռնությունների կենտրոնի հետ
BlogՄիքայել Գրիգորյանը ֆեյսբուքյան իր էջում գրում է .
Ամբողջ աշխարհում երիտասարդությունը/ուսանողությունը հասարակության ամենաակտիվ զանգվածն է: Երիտասարդները հանդիսանում են երկրի շարժիչ ուժը, նրանք են առաջ քաշում առկա խնդիրների առավել կրեատիվ և հստակ լուծումները: Կրթված, ակտիվ և ինտելեկտուալ երիտասարդը ցանկացած երկրում համարվում է հիմնասյուն: Նպատակասլած երիտասարդներին պետությունը պետք է օգնի, որպեսզի նրանք էլ ավելի շատ էներգիայով լցվեն և իրենց ակտիվությամբ օգուտ տան hայրենիքին: Նրանք պետք է իրենց գնահատված զգան, պետք է հասկանան, որ երկրի ղեկավարությունը իրենց թիկունքին կանգնած է, և սատարում է թե իրենց, և թե իրենց թարմ գաղափարներին:
Այսօր ՀՀ վարչապետ Կարեն Կարապետյանը այցելել է ԵՊՀ: Կառավարության ղեկավարը հանդիպում է ունցել մայր ԲՈՒՀ-ի ուսանողների հետ: Հանդիպման ժամանակ վարչապետը կարևորել է հասարակության հետ հետադարձ կապը, քաղաքացիական ակտիվությունը և կառավարության գործունեության վերաբերյալ պարբերական ազդակները: Գործադիրի ղեկավարը ներկայացրել է կառավարության կողմից իրականացվող աշխատանքները՝ յուրաքանչյուր ոլորտի խնդիրների ախտորոշում, զարգացման տեսլականի մշակում, կառավարման համակարգի խնդիրների վերլուծություն, կառավարման սուբյեկտների մաքսիմալ թվայնացում, ներդրումային ծրագրերի ամփոփում և հաշվետվողականության ու թափանցիկության բարձրացում:
Գյուղատնտեսության, առողջապահության, ՏՏ, տարածքային կառավարման ոլորտների օրինակով վարչապետն առարկայորեն խոսել է նախատեսվող բարեփոխումների մասին: Կարեն Կարապետյանն ուսանողներին տեղեկացրել է, որ այսօր տրվում է Start up-երի համար նախաձեռնության մեկնարկը: Հայտարարվելու է մրցույթ, ըստ որի ուսանողների կողմից առաջարկված առաջին երեք հաղթած բիզնես ծրագրերը կֆինանսավորվեն կառավարության կողմից: Վարչապետը կոչ է արել օգտագործել նորաստեղծ Ռազմավարական նախաձեռնությունների կենտրոնը, որպես ծրագրեր մշակելու և ներկայացնելու հարթակ:
Այսպիսով ստացվում է, որ ուսանողները համագործակցելու են Ռազմավարական նախաձեռնությունների կենտրոնի հետ և ներկայացնելու են երկրի զարգացման իրենց տեսլականը համապատասխան ծրագրերի տեսքով: