Հնաբերդում այսօր հուղարկավորեցին կախված հայտնաբերված հայր ու որդի Ալամյաններին
ՀասարակությունՀնաբերդ գյուղում այսօր՝ փետրվարի 11-ին, տեղի է ունեցել Հայր ու որդի Ալամանյանների հուղարկավորությունը: Այս մասին NEWS.am-ի հետ զրույցում նշեց Հնաբերդ գյուղի գյուղապետ Գոռ Հունանյանը:
Նրա խոսքով, նորմալ ապրող, աշխատասեր ընտանիք էին եւ անհասկանալի է, թե ինչն է տեղի ունեցածի պատճռը:
ՀՀ Քննչական կոմիտեից NEWS.am-ին հայտնեցին, որ եւ որդու, եւ հոր մահվան փաստով հարուցվել են քրեական գործեր` ՀՀ քրեական օրենսգրքի 110-րդ հոդվածի (ինքնասպանության հասցնելը) հատկանիշներով:
Հիշեցնենք, որ Արագածոտնի մարզում փետրվարի 8-ին Արագածի բաժնի ոստիկանները հայտնաբերել են 60-ամյա Մեսրոպ Ալամյանի դին, որին կախված են գտել իր տան անասնգոմին կից խորդանոցում՝ հակի թելով: Իսկ հաջորդ օրը՝ փետրվարի 9-ին, անասնագոմին կից նույն խորդանոցում կախված վիճակում հայտնաբերել են Մեսրոպ Ալամյանի որդու՝ 34-ամյա Դերենիկ Ալամյանի դին:
Դերենիկը ամուսնացած էր, խմամքին ուներ 2 երեխա: