Պյոտր Սվիտալսկին ակնկալում է 2017-ին տեսնել իրական փոփոխություններ կոռուպցիայի դեմ պայքարում
ՄիջազգայինԵվրամիությունը Հայաստանին շուրջ 15 մլն դոլար է տրամադրել՝ ի աջակցություն կոռուպցիայի դեմ պայքարի: «Արմենպրես»-ի հաղորդմամբ՝ այս մասին լրագրողների հետ զրույցում տեղեկացրեց ՀՀ-ում Եվրամիության պատվիրակության ղեկավար, դեսպան Պյոտր Սվիտալսկին: Նա ակնկալում է 2017 թվականին տեսնել իրական փոփոխություններ:
«Արդար չի լինի ասել, որ նախորդ կառավարությունը ոչինչ չէր արել: Նախորդ կառավարությունում կային շատ ակտիվ մարդիկ, սակայն նոր կառավարությունը հստակ նախանշել է, թե ինչ կարեւորություն է տալիս կոռուպցիայի դեմ պայքարին»,-նշեց ԵՄ պատվիրակության ղեկավարը: Նրա խոսքով՝ վարչապետն այս հարցում բավականին քննադատող կեցվածք է ընդունել: