Քաղաքական գործունեությունը չպետք է ծառայեցվի բիզնեսին. Սվիտալսկի
ՔաղաքականությունՔաղաքական գործունեությունը չպետք է ծառայեցվի բիզնեսին, եւ հակառակը՝ գործարարները չպետք է մուտք գործեն քաղաքականություն: Այս մասին Հայաստանում մեկնարկած «Կանգնեցնենք կոռուպցիան» տեղեկատվական արշավի մասին ազդարարող ասուլիսի ժամանակ նշել է ԵՄ պատվիրակության ղեկավար, դեսպան Պյոտրս Սվիտալսկին:
Անդրադառնալով քաղաքական կոռուպցիային, ԵՄ դեսպանն ասաց. «Չափազանց կարեւոր է ԱԺ ընտրություններից առաջ խոսել այն բացասական պրակտիկայի մասին, որը խաթարում է ընտրական գործընթացը, հատկապես ընտրաձայների գնումը, կաշառքի վճարումը, որը Հայաստանի համար բերում է խիստ բացասական հետեւանքների»:
Ինչ վերաբերում է կոռուպցիայի դեմ պայքարում ՀՀ կառավարության արած քայլերին, Սվիտալսկին նշեց, որ վարչապետ Կարեն Կարապետյանը կոռուպցիայի դեմ պայքարում բավական քննադատող կեցվածք է ընդունել, իսկ կառավարությունը վերջին 7 ամիսներին կոռուպցիայի դեմ ուղղված դրական օրենսդրական նախաձեռնություններով է հանդես եկել: