Հայուհիներն արդեն հնդկուհու կերպարանք են ընդունում
LifeԱյսօր պատահաբար տեսա, որ ֆեյսբուքյան ընկերներիցս մեկի 17-ամյա դուստրը հնդկուհու կերպարանքով լուսանկար է հրապարակել իր պատին: Քիչ հետո մեկ այլ միջին տարիքի կնջ պատին տեսա հնդկական ՛՛Ջալեբի՛՛ քաղցրավենիքի պատրաստման բաղադրատոմս ու հասկացա, թե որքան իմաստուն ժողովուրդ է հնդիկ ժողովուրդը և որքան հզոր բան է արվեստը:
Փաստորեն մեր հեռուստաեթերը լցրած հնդկական երեք սերիալները, ոչ միայն կարողացան գրավել հայ հեռուստադիտողին,այլև շատ կարճ ժամանակում մեր երիտասարդներին դարձրին իրենց մշակույթի սիրահարը:
Որն է այդչափ մեծ հաջողության գաղտնիքը: Հավանաբար՝ ճիշտ կառուցած հեռուստասերալը, որն ի դեպ, շա՜տ հեռու է արվեստ կոչվելուց, սակայն հմտորեն կարողանում է քարոզել իրենց ավանդույթները, ծեսերեը, հավատքը, կերարատեսակները: ԵՎ այդ ամենն անքան սիրով ու հավատով է արվում, որ հեռուստադիտողը ակամայից կլանվում է:
Իսկ մենք մշակույթ չունե՞նք, ավանդույթներ, ծիսակատարություններ, տոներ,ավանդական կերակրատեսակներ, խաղեր, աղոթքներ…. Ինչ-ինչ բայց այս ամենով է հարուստ հայ ժողովուրդը: Ուրեմն ինչու մեր էկրաններին երբեք չեն հայնվում մեր՝հայկական ինքնությունը ցույց տվող ֆիլմեր, հաղորդումներ, պատմությունները: Եթե օտարի մշակույթն է մեզ այսպես գրավում, մի՞թե անտարբր կլինենք մեր մշակույթի հանդեպ:
Ինչպես ասում են՝ չկա չարիք առանց բարիք: Թող օտարածին այս ՛՛չարիքը՛՛ պատճառ դառնա վերանայելւ մեր ազգային մշակույթն ու ավանդույթները վերանայելու և դրանք նորովի մատուցելու համար:
Համոզված եմ, որ Մշակույթի նախարարությունը պետք է հատուկ ծրագիր մշակի, որպեսզի գեղարվեստական ֆիլմերի հեռուստասերիալների միջոցով ճանաչելի ու սիրելի դարձնի մեր ազգային մշակույթը՝ սկզբից մեր ժողովրդին, ապա նաև օտարներին, ինչպես դա այսօր անում են հնդիկները:
Արփի ՎԱՆՅԱՆ