Հայաստան-Իրան-Թուրքմենստան եռակողմ տնտեսական փոխգործակցության արդյունավետությունը օգուտ կբերի ոչ միայն Հայաստանին
BlogՄիքայել Գրիգորյանը ֆեյսբուքյան իր էջում գրում է .
Երեկ գործադիրի ղեկավարը հանդիպում է ունեցել
Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպան Սեյեդ Քազեմ Սաջադիի ու Թուրքմենստանի արտակարգ և լիազոր դեսպան Մուհամմետնիյազ Բադիի Մաշալովի հետ:
Նման հանդիպումները հնարավորություն են տալիս ընդլայնել երկների միջև ոչ միայն քաղաքական այլև տնտեսական կապերը, ինչը անհրաժեշտ է այսօր Հայաստանին: Քննարկվել է Հայաստան-Իրան-Թուրքմենստան եռակողմ տնտեսական փոխգործակցությունը, երկրների միջև ապրանքաշրջանառության հնարավոր աճը:
Տնտեսական շեշտադրումը պետք է դրվի Էներգետիկ ոլորտի վրա, քանի որ և Իրանը և Թուրքմենստանը էներգետիկ ռեսուրսների խոշոր արտահանող են համարվում աշխարհում:
Կողմերը պայմանավորվածություն են ձեռք բերել՝ համատեղ աշխատանքային խումբ ձևավորելու և կոնկրետ ծրագրերն առարկայական քննարկելու վերաբերյալ: Բացի աշխատանքային խմբից կարևոր է նաև մշտական միջկառավարական հանձնաժողովների ակտիվ աշխատանքը: Միջկառավարական հանձնաժողովները այս պարագայում մեծ դեր ունեն տնտեսական հարաբերությունների կայացման գործում: Դրանք արդյունավետ հարթակ են փոխադարձ հետաքրքրություն ներկայացնող հարցերն ու նախաձեռնությունները կյանքի կոչելու համար:
Հայաստանի հետ տնտեսական համագործակցությունը զարգացնելով և Իրանը և Թուրքմենստանը կարող են մեծ օգուտ ունենալ, քանի որ սկսում են խորացնել համագործակցությունը ԵԱՏՄ բազմամիլիոնանոց շուկայի հետ:
Հայաստանը այս դեպքում կարող է կամուրջ հանդիսանալ դեպի ԵԱՏՄ շուկա, իսկ ԵԱՏՄ շուկան այն շուկան ուր գրեթե բոլոր խոշոր արտահանում ունեցող երկրները ցանկանում են մուտք գործել: