Թուրքիան նոր մարտահրավերի առջեւ. ի՞նչ է տեղի ունեցել Ստամբուլի գիշերային ակումբում. մեկնաբանում է թուրքագետը

Ստամբուլի հայտնի «Ռեյնա» գիշերային ակումբում տեղի ունեցած հարձակման հետ կապված NEWS.am-ի թղթակցի հետ զրույցում Ստամբուլից մանրամասներն է ներկայացրել թուրքագետ Անդրանիկ Իսպիրյանը։

Ինչպես աշխարհի շատ երկրներում, այնպես էլ Թուրքիայում շատերն Ամանորի գիշերը նշում են ռեստորաններում ու ակումբներում։ 2017 թվականի հենց առաջին օրը աշխարհի լրատվականների առաջին լուրը սկսվեց Ստամբուլի «Ռեյնա» գիշերային ակումբում տեղի ունեցած ահաբեկչական հարձակման մասին հաղորդմամբ։ Լուրը սառը ցնցուղ էր հատկապես Թուրքիայի քաղաքացիների համար։ Տարեվերջի մի քանի արյունոտ հարձակումներից ուշքի չեկած հասարակությունը հենց Ամանորի գիշերը հերթական շոկն էր ապրում։

Զինված անձը մտել էր Ստամբուլի Օրթաքյոյ թաղամասում գտնվող «Ռեյնա» գիշերային ակումբ եւ ավտոմատով կրակ բացել ներկաների վրա։ Մինչ այդ նա սպանել էր ոստիկանին, ապա անցել ակումբում գտնվողներին։ Նրան հաջողվել էր  հեռանալ դեպքի վայրից։

Տեղի ունեցածից ժամեր անց ակումբի սեփականատերը հայտնել էր, որ ԱՄՆ հետախուզությունը հայտնել էր հնարավոր ահաբեկչության մասին, որի պատճառով վերջին 10 օրը ուժեղացված հսկողություն է եղել ակումբին հարող շրջանում, սակայն ոստիկանությունը չի կարողացել կանխել արյունալի սպանդը։

«Ռեյնայի» կոտորածից հետո թուրքական բոլոր հեռուստաընկերությունները, մամուլն ու ռադիոն ողողված էին դեպքի վերաբերյալ լուրերի թողարկմամբ։ Գրեթե բոլոր ալիքներով տարբեր վերլուծաբաններ խոսում էին տեղի ունեցածի մասին եւ փորձում այն կապել գյուլենականների կամ «դրսի ուժերի» հետ, որոնք ցանկանում են խանգարել ռուս-թուրքական համաձայնությանը՝ շեշտելով մասնավորապես Սիրիայում զինադադար հաստատելու Թուրքիայի ու ՌԴ-ի քայլերը։

Ստամբուլի բոլոր խանութներում կամ տարբեր հաստատություններում տոնական օրերի միակ թեման դարձել է «Ռեյնայի» ահաբեկչության քննարկումը։ Քաղաքացիների մի մասը համամիտ է իշխանական քարոզչության հետ, որ այս դեպքն ուղղված է Սիրիայում Ռուսաստանի հետ համատեղ զինադադար հաստատելու դեմ, իսկ մի մասն էլ ուղղակի քննադատում է իշխանություններին՝ երկիրը «Աֆղանստան» դարձնելու ու քաոսի վերածելու համար։ «Մենք մեզ համար շատ լավ ապրում էինք, ի՞նչ գործ ունի Թուրքիան Սիրիայում, ի՞նչ գործ ունի Թուրքիան Իրաքում։ Թող այնտեղ ինչ ուզում են անեն։ Այս անհեռատես քաղաքականության հետեւանքով Թուրքան վերածել են քաոսի ու ահաբեկչությունների կենտրոնի»,-մոտավորապես նման ձեւով են իշխանությունների  վարած քաղաքականությունը մեկնաբանում բազմաթիվ քաղաքացիներ։

Անհանգստության առանձին թեման է այն, որ զինված հարձակման հեղինակը դեռ ազատության մեջ է, իսկ ոստիկաններին հաջողվել է ընդամենը նրա մասին տեղեկություններ ստանալ, ձերբակել նրա կնոջն ու ահաբեկչության հետ կապ ունենալու մեջ կասկածվող մեկ տասնյակ անձանց։

Պարզվել է, որ Ղրղզստանի քաղաքացի հանդիսացող ահաբեկիչը նոյեմբերի 20-ին կնոջ ու երկու երեխայի հետ օդանավով Ստամբուլ է եկել, այնուհետ նոյեմբերի 22-ին մեկնել Քոնիա քաղաք, որտեղ ամսական 1100 լիրայով տուն է վարձակալել անշարժ գույքի վարձակալությամբ զբաղվող մի ընկերության օգնությամբ, ավելին, վճարել է 3 ամսվա վարձը։

Անշարժ գույքի վարձակալությամբ զբաղվող ընկերության աշխատակիցները ձերբակալվել են։ Նրանք հայտնել են, որ ղրղզստանցի տղամարդն ասել էր, թե աշխատանք գտնելու համար էր եկել Քոնիա։ Նրանք նաեւ շեշտել են, թե տուն գտնելու հարցում միջնորդել են օտարերկյա քաղաքացիներ, որոնք միջադեպից հետո արագ հեռացել են Քոնիայից։ Հանցագործի ձերբակալված կինը պնդել է, թե ինքը տեղյակ չի եղել, որ ամուսինը «Իսլամական պետության» անդամ է։

Թուրքական որոշ լրատվամիջոցներ հայտնում են, թե ակումբ մտնելու ժամանակ ահաբեկիչն օգտագործել է Flash Bang տիպի ձեռքի նռնակ, որն օգտագործում են հատուկ ծառայությունների աշխատակիցները։ Հիշյալ նռնակն արձակում է հզոր լույս ու 170 դեցիբել ձայն, որը մի պահ մարդկանց կուրացնում ու խլացնում է։ Այդ ընթացքում էլ հանցագործը կարողացել է ավտոմատ հրազենի պահունակները փոխել ու շարունակել կրակել։

Դեպքից հետո լրագրողների հետ զրույցում գիշերային ակումբի տնօրենը նշել էր, թե հանցագործը հեռացել էր ակումբից, քանի որ այլեւս ոչ ոք ողջ չէր եղել։ Այսինքն, հանցագործը կարողացել է անարգել կոտորած սարքել ու հանգիստ հեռանալ ակումբից։

Դեպքից շատ չանցած «Ռոյթերս» գործակալությունը հայտնել էր, որ ահաբեկչության պատասխանատվությունն իր վրա է վերցրել «Իսլամական պետությունը»։

Հարձակման հետեւանքով 39 սպանվածները եղել են Թուրքիայի, Սաուդիան Արաբիայի, Հորդանանի, Քուվեյթի, Ադրբեջանի, Մարրոկկոյի, Թունիսի, Լիբանանի, Սիրիայի, Իսրայելի ու Հնդկաստանի քաղաքացիներ։

Լրատվամիջոցները հետաքրքիր մի փաստ են արձանագրել. ԻՊ-ի անդամի կողմից սպանվածների մեծ մասը հանդիսանում են այն երկրների քաղաքացիները, որոնք ըստ սիրիացի ու իրանցի պաշտոնյաների, հանդիսանում են ԻՊ-ի հիմնական հովանավորողներն ու աջակցողները։

Դեպքի հետ կակպված հետաքրքիր մեկնաբանություն է արել գլխավոր ընդդիմադիր «Ժողովրդահանրապետական» (CHP) կուսակցության առաջնորդ Քեմալ Քըլըչդարօղլուն։ Նա, քննադատելով իշխանություններին տեղի ունեցածի հետ կապված, ասել է, թե Ասադին տապալելու համար  իսլամիստներին աջակցելու համար բեռնատարներով Սիրիա ուղարկված զենքերն այժմ հետ են եկել ու օգտագործվում են Թուրքիայի դեմ։

 

loading...
Հոլիվուդյան աստղերը նախքան պլաստիկ վիրահատությունները և դրանցից հետո Հայ աստղերից մեկը վերջապես որոշեց ճաշակ թելադրել. Ի՞նչպես է ստացվել. Դատեք ինքներդ. ՖՈՏՈ Երևանի քաղաքապետարանը կոչ է անում միանալ «Մաքուր Երևան» նախաձեռնությանը A վիտամինն ընդդեմ քաղցկեղի Ահա իրական պատճառը, թե ինչու են նշանդրեքին ադամանդե քարով մատանի նվիրում Ով է երգիչ Արա Մարտիրոսյանի երկրորդ կինը «Ինձ թվում էր ես այդպես երբեք չեմ սիրել…».Անդրեի սերերը. ո՞վքեր են նրանք. լուսանկարներ DJ Վակցինայի լուսանկարները` ամուսնու և կրտսեր որդու հետ. Ահա, թե ով է նրա ամուսինը. ՖՈՏՈ Հայ հայտնիների ամենաանհաջող ու չստացված լուսանկարները, որոնց մասին նրանք չեն ցանկանա հիշել. ՖՈՏՈ «Իմ սիրտը զբաղված է և վերջ». Եվա Զոհրաբյանը չի ցանկանում բացել փակագծերը «Մուլտի Վելնես» սպորտային և ժամանցային համալիրը ճանաչվել է աշխարհի լավագույն համալիր Կարեն Կարապետյանի հայրական տունը ու նրա ծնողները Միայն տեսնեք, թե ում հետ է լուսանկար հրապարակել Ժաննա Բուտուլյանը. ՖՈՏՈ Ահա, թե ով է դերասանուհի Նառա Դիլանյանի ամուսինը. ՖՈՏՈ Սիրային թեստ. Կենդանակերպի նշաններով պարզեք ձեր համատեղելիությունը Տրամաբանական հարց՝ մտածող մարդկանց համար. ինչպե՞ս կհանեք գնդակը Վթարից մեկ օր անց «ՎԱԶ-2106»-ի վարորդը հիվանդանոցում մահացել է Ով է երգչուհի Սյուզի Մելիքյանի քույրը. նրանց նմանությունն ապշեցնում է. ֆՈՏՈ Հանուն բարեկեցիկ Երևանի Բացահայտում կանաչ աչքերով մարդկանց մասին Ահա, թե ով է «Մեծ Հայքի» Նարեկ գեղեցկուհի կինը. ՖՈՏՈ Ինչպիսի տեսք ունեին վաղեմի սիրեկաններ Աննա Կոկչյանն ու Սոս Ջանիբեկյանը տարիներ առաջ Հայ ռաբիս երգչուհի Նանան պլաստիկ վիրահատությունների շնորհիվ դարձել է ռուսական երգչուհի Անի Լորակի պատճենը (Photo) Ո՞ր հայ հայտնի երգչուհին է կրկօրինակում Սիրուշոյի ոճը (ֆոտո) ՖլեշՄոբ։ համալիրում Waiting for Black Star in Yerevan
Ամենաընթերցված
«Մենք ենք մեղավոր մեր թուլության համար ու անկառույ... Ադրբեջանը ՎՈՒԱՄ–ը «կապելու» է Իրանի հետ «1in.am-ը ապացուցում է, որ ոչ թե լրատվամիջոց է, այ... Էրդողանը հաղթեց. Թուրքիան մուտք է գործում «զուլում... Շնորհակալ եմ բոլորիդ հաճելի ու միաժամանակ արդյունա... Ֆեյսբուքում նոր վիրուս է, չբացե՛ք Սառը եղանակից մի բողոքեք , այն ունի շատ դրական կող... Արամ Սարգսյանը ջանք ու եռանդ չի խնայում ապացուցելո... Ես լինելու եմ և՛ իմ օգտին քվեարկած, և՛ իմ օգտին չք... Ձեր վստահությունն ու հավատը ինձ ստիպում է կյանքի կ... Շնորհակալություն եմ հայտնում մեր սիրելի՛ լրագրողնե... Ինչպես է կատարվում խորհրդարանում մանդատների բաշխու... Հպարտությամբ ու խոնարհումով հիշենք նրանց անուն առ ... Մոտենում է Ապրիլյան պատերազմի տարելիցը ՀՐԱՏԱՊ. Զինված հարձակում ԵԼՔ դաշինքի վրա (լուսանկա... Մարգո Եսայանն էլ պոտենցիալ դպրոցի տնօրեն է Ասում են` Նիկոլը իմ քաղաքակիրթ հորդորին արձագանքել... Զգույշ վարչապետի պալտոն էլ չհագնի (Քաղաքական հումո... Թե կոնկրետ որն է այս մարդու ասելիքը ժողովրդին, այդ... Արամ Սարգսյա՛ն, դու սովորական վախկոտ ես …
website by Sargssyan