Հովհաննես Հարությունյանը հոգեկան առողջության հետ կապված խնդիրներ չունի. ՔԿՎ
Քաղաքականություն«Սասնա ծռեր» խմբի անդամ Հովհաննես Հարությունյանը հոգեկան առողջության հետ կապված խնդիրներ չունի: Այս մասին այսօր՝ դեկտեմբերի 22-ին, NEWS.am-ին հայտնեցին ՀՀ արդարադատության նախարարության քրեակատարողական վարչության հանրային կապերի բաժնից. «Նման բան չկա, լուրջ խնդիրներ չունի, այդ թվում կապված հոգեկան առողջության հետ»:
Հովհաննես Հարությունյանի շահերի պաշտպան Հայարփի Սարգսյանն ահազանգել էր, որ իր պաշտպանյալը շուրջ 1 շաբաթ ոչ ադեկվատ վիճակում է՝ դեղերի ազդեցության տակ:
Հիշեցնենք, որ ոտքից ծանր վիրավորում ստացած Հովհաննես Հարությունյանի առողջական վիճակի մասին հակասական կարծիքներ կան: Ըստ փաստաբան Հայարփի Սարգսյանի՝ իր պաշտպանյալի վիճակը գնալով վատանում է, նրան շտապ վիրահատություն է պետք, քանի որ ոտքը սկսել է սեւանալ, բարակել, իսկ նա էլ ցավերին չի դիմանում: Մարդու իրավունքների պաշտպանի գրասենյակը հակառակն է պնդում: