Որքան ակտիվ զարգանա գործարարությունը այդքան շահում է և պետությունը և շարքային քաղաքացին
BlogՄիքայել Գրիգորյանը ֆեյսբուքյան իր էջում գրում է .
Բոլոր զարգացած երկրներում բիզնես/խոշոր բիզնես – կառավարություն համագործակցությունը առաջնային հարց է համարվում թե կառավարության և թե գործարարների համար:
Երկրի տնտեսական աճը ուղիղ կապված է բիզնես ոլորտում առկա ակտիվության հետ:
Ինչքան ակտիվ զարգանա գործարարությունը այդքան շահում է և պետությունը և շարքային քաղաքացին: Ոլորտները բազմազան են և ամեն ոլորտային շուկայի աշխուժացումը առանձին մոտեցում և քննարկում է պահանջում: Հարկավոր է ստեղծել մի հարթակ, որտեղ կբարձրացվեն և կքննարկվեն ոլորտներում առկա խնդիրները: Հարթակը պետք է ձևավորվի գործարարների և շահագրգիռ պետական գերատեսչությունների հետ համատեղ:
Նման հարթակ ստեղծելու առաջարկ է այսօր արել գործադիրի ղեկավարը Հայաստանի Հանրապետության 10 խոշոր հարկ վճարող կազմակերպությունների ղեկավարների հետ հանդիպման ժամանակ:
Հանդիպման ընթացքում գործարարները խոշոր հարկատուները, խոսելով իրենց հուզող խնդիրներից, բարձրաձայնել են հարկային գերավճարների մեծ չափերին, հարկային և մաքսային վարչարարության պարզեցմանը, մաքսազերծման ժամկետների կրճատմանը, մրցակցային դաշտին վերաբերող և այլ հարցեր:
Անդրադառնալով գերավճարների խնդրին՝ վարչապետը նշել է, որ հաջորդ տարի պետք է համատեղ աշխատել ՀՀ կառավարությանն առընթեր պետական եկամուտների կոմիտեի հետ՝ կազմելով որոշակի ժամանակացույց:
Նման ձևաչափի հանդիպումները անհրաժեշտ են արդյունավետ համագործակցությունը զարգացնելու համար