ԵՄ-ն եւ Կուբան հարաբերությունների կարգավորման համաձայնագիր են ստորագրել
ՄիջազգայինԵՄ-ն եւ Կուբան հարաբերությունների կագավորման համաձայնագիր են ստորագրել՝ Քաղաքական երկկխոսության եւ համագործակցության մասին պայմանագիր: Ստորագրման արարողությունը տեղի է ունեցել Բրյուսելում՝ ԵՄ ԱԳ նախարարի հանդիպման շրջանակում, փաստաթղթի տակ իրենց ստորագրություններն են դրել ԵՄ արտաքին գործերի եւ անվտանգության քաղաքականության գերագույն հանձնակատար Ֆեդերիկա Մոգերինին եւ Կուբայի ԱԳ նախարար Բրունո Ռոդրիգես Պարիլյան: Այս մասին հայտնում է ՏԱՍՍ-ը:
Ավելի վաղ ԵՄ Խորհուրդը հայտնել էր, որ ԵՄ-ի եւ Կուբայի միջեւ պատմության մեջ առաջին համաձայնագիրը երկկողմանի հարաբերությունների հիմքն է եւ նախատեսում է քաղաքական երկխոսություն, երկկողմանի համագործակցության բարելավում եւ բազմակողմանի հարցերով համատեղ գործողություններ: Փաստաթուղթը ստորագրելու որոշումը ԵՄ Խորհուրդն ընդունել էր դեկտեմբերի 6-ին:
«Համաձայնագիրը կփոխանցվի Եվրախորհրդարանի հաստատմանը: ԵՄ-ի եւ Կուբայի հարաբերություններում բեկումնային պահ է: Մենք միասին ընթանում ենք դեպի ավելի սերտ եւ կառուցողական համագործակցություն, որն արտացոլում է ԵՄ-ին եւ Կուբային միավորող պատմական, տնտեսական եւ մշակութային կապերը: Այս նոր համաձայնագրով ԵՄ-ը պատրաստ է աջակցել Կուբայում տնտեսական եւ սոցիալական արդիականացման գործընթացին, ես անհամբերությամբ եմ սպասում մեր երկկողմանի հարաբերությունների հետագա առաջընթացին»,- նշել է Ֆեդերիկա Մոգերինին: