Շիրակի մարզի խնդիրները շատ են և վերաբերում են տարբեր ոլորտների
BlogՄիքայել Գրիգորյանը ֆեյսբուքյաքն իր էջում գրում է .
Բոլորս գիտենք, որ ժամանակին ամենաինտենսիվ զարգացող մարզը մտավ խորը ճգնաժամային փուլ` 1988 թվականի աղետից հետո: Բայց նույնիսկ այդ սարսափելի դեպքից հետո մարզը նորից զարգացման ուղին բռնեց: Գյումրին (Լենինականը) գրեթե ամբողջովին ավերվելուց հետո այսօր լի է կյանքով, և լիարժեք համապատասխանում է ինտենստիվ զարգացող քաղաքի կոչմանը: Կառավարությունը միշտ ուշադրության կենտրոնում է պահել Շիրակի մարզի և ,մասնավորապես, Գյումրու խնդիրները, և փորձել դրանց լուծում տալ ամենասեղմ ժամկետում:
Բնակարանաշինության համար այս տարիներին ահռելի գումարներ են հատկացվել, բայց դա էլ է քիչ բոլոր խնդիրները լուծելու համար: Մարզի խնդիրների լուծումը միասնականության մեջ է, ժողովրդի և իշխանության արդյունավետ համագործակցության մեջ է:
Երեկ վարչապետը այցելել էր Գյումրի` հարգանքի տուրք մատուցելու զոհվածների հիշատակին: Ինչից հետո մի շարք հանդիպումներ էր ունեցել: Հանդիպումներից մեկը երիտասարդության հետ էր, որը տարբերվում էր իր ֆորմատով: Դա ավելի շատ գաղափարների փոխանակման մի հարթակ էր: Պետք է ամեն ինչ անել, որպեսզի այդ ֆորմատը գործի միշտ, մարզի բնակիչները պետք է մշտական կապի մեջ լինեն մարզային և համայնքային իշխանությունների հետ: Ամրապնդելով համագործակցության այս ձևաչափը` կշահի և իշխանությունը, և ժողովուրդը:
Բոլորս գիտակցում ենք, որ քաղաքի բնակիչը որոշ հարցերի լուծումը կարող է շատ լավ պատկերացնել, բայց համապատասխան գործիքակազմ չունենա լուծելու համար:
Ինչպես նշել է գործադիրի ղեկավարը` չինովնիկները հարցին կարող են մի ձև նայել, իսկ երիտասարդները` լրիվ ուրիշ ձև, և այդ իսկ պատճառով ամեն մեկն իր առջև հստակ խնդիր պետք է դնի, թե ինչպես Գյումրին դարձնել ավելի հարմարավետ և ներգրավել բիզնեսին այդ գործընթացի մեջ: Վստահ եմ, որ առավել հետաքրքիր և արդյունավետ առաջարկությունները կյանքի կկոչվեն:
Ժամացույցն այլևս կանգնած չէ, իսկ զարգացումն անխուսափելի է: