Ժողովրդական բամբասանք՝ քննադատության ու վերլուծության փոխարեն

Կարեն Կարապետյանի վարչապետ նշանակվելուց հետո, ինչպես և սպասելի էր հայաստանյան հասարակական–քաղաքական և լրատվական դաշտերը բաժանվեցին երկու մասի: Մի մասի պարագայում գործընթացները հասկանալի են՝ վերջիններս զբաղված են վարչապետից ակնկալվող բարեփոխումների չափազանցված դոզայի մատակարարմամբ և այդ փոփոխությունների որոշակի գեներացիայով: Մի կողմից նման գործելաոճը լիովին տեղավորվում է հանրապետական կուսակցության և կառավարության փիառի տրամաբանության մեջ, մանավանդ ՀՀԿ–ին վարչապետի անդամակցությունից հետո, մյուս կողմից նման փիառ քաղաքականությունը հղի է վտանգներով առ այն, որ կարճ ժամանակում գործնական և շոշափելի փոփոխությունների բացակայության պայմաններում Կարեն Կարապետյանի կառավարությունը պարզապես կձախողվի:

Առավել հետաքրքիր է վարչապետի և նրա կառավարության դեմ հակաքարոզչություն իրականացնող հատվածը, և այս գործում պետք է ասել իրենց առաջնային դերը ստանձնեցին տարբեր ծագման լրատվամիջոցներ: 

Անշուշտ, ոչ Կարեն Կարապետյանը, ոչ էլ նրա կառավարությունը չէին կարող խուսափել քննադատությունից և դա իրերի տրամաբանական ընթացքն է: Սակայն հերթական անգամ հայաստանյան լրատվական դաշտը որդեգրեց քննադատության ամենապարզունակ եղանակը, որը ակնհայտ կերպով դեգրադացնում է հանրային գիտակցությունն ու քննադատության հասարակական ընկալումները:

Կարապետյանի նշանակումից և նրա իրականացրած կադրային տեղաշարժերից հետո հայաստանյան լրահոսը լցվեց պսևդոքննադատական բնույթի հոդվածներով ու լուրերով, որտեղ ներկայացվում էր վարչապետի կամ նրա նշանակած որևէ պաշտոնյայի կարողությունն ու ունեցվածքը: Հենց պաշտոնյաների հարստության առանցքի վրա մեր լրատվամիջոցները կառուցում էին իրենց քննադատությունը՝ որն անգամ մեծ ցանկության դեպքում կառուցողական չէր կարելի համարել, քանի որ գործում էր մոտավորապես հետևյալ էմոցիոնալ մեխանիզմը, եթե պաշտոնյան հարստացել է, ապա նա սերտ կապեր ունի վարչակարգի հետ, վարչակարգի հետ ունի ընդհանուր շահեր և, բնականաբար, չի կարող արմատական բարեփոխումներ իրականացնել: 

Այս մոտեցման մեջ անշուշտ կա ճշմարտության որոշակի հատիկ, քանի որ հայաստանյան բիզնես միջավայրը սերտ կապեր ունի քաղաքական վերնախավի հետ, սակայն միայն այս թեզի վրա կառուցված քննադատությունն ու առավել ևս վերլուծությունը կորցնում են ռացիոնալությունը և վերածվում պոպուլիստական հռետորաբանության, ինչն իր հերթին բթացնում է հանրային գիտակցությունը:

 Ըստ էության պետք է փաստել, որ հայաստանյան մեդիատիրույթում մինչ այս պահը գրեթե չեն հայտնվել կառուցողական ու հիմնավոր վերլուծություններ այն մասին, թե ինչ կարող է և ինչ չի կարող անել նոր կառավարությունը: Մինչդեռ իրականում նման վերլուծությունները շատ ավելի կարևոր էին այս կամ այն պաշտոնյայի ունեցվածքը ներկայացնելուց: Գրեթե չկան լուրջ ուսումնասիրություններ առ այն, որ Հայաստանի ներկայի կիսապատերազմական, շրջափակման, տնտեսական տխուր իրավիճակի պայմաններում ինչ հնարավորություն ունի կառավարությունը, ընդ որում խոսքը վերաբերում է ոչ թե Կարեն Կարապետյանի կաբինետին, այլ ընդհանրապես գործադիր մարմնի հնարավորություններին առկա պայմաններում:

Ի դեպ պետք է շեշտել, որ մասնավորապես հայաստանյան լրատվամիջոցների որդեգրած այս քաղաքականության բացատրությունը բավական պարզունակ է: Ներկայի, այսպես ասած, «լայքահավաքի» տրամաբանության մեջ հասարակ ընթերցողն ավելի հեշտ է «միտվում» այս կամ այն պաշտոնյայի ունեցվածքի կամ ընտանեկան կյանքի մասին լրատվությանը, քան օբյեկտիվ և բնականաբար նաև ծավալով երկար հոդվածների ընթերցանությանը: Բացի այս, պաշտոնյայի անձի կամ ունեցվածքի քննարկումն իր մեջ պարունակում է ժողովրդական բամբասանքի տարրեր, իսկ բամբասանքը միշտ և բոլոր ժամանակներում որոշակի գրավչություն ունեցել է:

Սակայն նման գործելաոճով հայաստանյան մեդիատիրույթն ուղղակի ոչնչացնում է հանրային գիտակցության մեջ երկրում կատարվող գործընթացների քննադատական և վերլուծական ընկալումը, որի արդյունքում էլ դեպքից դեպք տարբեր հասարակական–քաղաքական օղակներից հնչում են կարծիքներ այն մասին, որ հարկավոր է բարձրացնել հասարակության քաղաքացիական գիտակցության մակարդակը: Իսկ այս գործում, բնականաբար, առաջնային ու ամենակարևոր դերն ունեն լրատվամիջոցներն ու վերլուծական հարթակները, որոնց գործունեությունը ներկայում կամ աննկատ է, կամ էլ վերը նկարագրված չափումների մեջ է:

Աղասի Մարգարյան

PressMedia.am վերլուծաբան

loading...
Հրաշամանուկ Վիգենը Վիգեն Սարգսյան. սկսնակ բոլշևիկի առաջին նոկաուտը ԲՀԿ նախագահ Գ.Ծառուկյանի հրավերով եվրոպացի պատգամավորներն այցելել են Արցախ Արցախի Ազգային ժողովում հյուրընկալել են օտարերկրյա խորհրդարանականների պատվիրակությանը Աշխարհի դպրոցների ամենադաժան պատիժները Ինչո՞ւ մարդիկ կարող են ապրել Հերոսիմայում և Նագասակիում, իսկ Չերնոբիլում` ոչ Այս լճին մարդու ոտք չի դիպչել Օսլոյում կատուն ողջ է մնացել լվացքի մեքենայում 40 րոպե «լվացվելուց» հետո Պիկեն նշել է, թե որ թիմի դեմ կցանկանա խաղալ Չեմպիոնների լիգայի եզրափակչում Երևանի քաղաքապետարանի «Մանկապարտեզ» էլեկտրոնային կառավարման համակարգը հանրօգուտ ուղղվածության նախագծերի աջակցման միջազգային մրցույթի հաղթողների թվում է Նոր մատուռի օրհնության կարգ` Արաբկիր վարչական շրջանում Քաղաքապետ Տարոն Մարգարյանը ներկա է գտնվել Երևանի թիվ 8 պոլիկլինիկայի հիմնադրման 50-ամյակին նվիրված հանդիսավոր արարողությանը Մայրաքաղաք հաղորդաշարի անդրադարձը Բաբաջանյան-Աշտարակ նոր ճանապարհահատվածի կառուցմանը Տիգրան Գրիգորյանի փայլուն ելույթը ուկրաինական X Factor-ում Հենրիխ Մխիթարյանը բանտախցում կրում է իր պատիժը. ծաղրանկար Տիգրան, սթափվե՛ք, մենք չենք փչացրել այն, ինչն արդեն փչացած էր Ինտիմ կյանքը կանանց բանտում Աստղեր, ովքեր որպես մարմնավաճառ են աշխատել մինչև հայտնի դառնալը. կգուշակե՞ք, թե որ նախագահի կինն է էսկորտ եղել Գագիկ Ծառուկյանի հրավերով ՀՀ են ժամանել աշխարհի ավելի քան 30 երկրներից հարյուրավոր պատվիրակներ Լրագրող. Նեյմարը ցանկանում է հունվարին տեղափոխվել Ռեալ Մի՞թե նման բան լինում է. տեսեք, թե ինչ է սկսվում, երբ կանայք հանում են բացառապես բոլոր շորերը այս տղամարդու ներկայությամբ Լսելով Էլենի հարցազրույցը՝ մտքիդ միայն մի բան է գալիս՝ որտեղից նման «սուրբ» աղջկան այսքան «խելացի» մտքեր Մուտքը միայն չափահասների համար. Կինը ցույց է տվել, թե ինչ է անում իր հետ սեքսուալ շեղված ամուսինը (Photo) «Յուվենտուսը» շահավետ պայմանագիր կառաջարկի Մխիթարյանին «Ես իմ արածը արեցի». Քյավառցին «կլյուչով» ջախջախել է կնոջ գլուխը
Ամենաընթերցված
Արգամ Աբրահամյանի նախաձեռնած բարեգործական ծրագրերը... «Է՜՜խխխ ուր է Հայաստանում մարդ». իրեն հաղորդավարու... Առաջարկվում է Երևանում ունենալ Զարուհու նրբանցք Վերջապես. Էմմին ամուսնու հետ լուսանկար է հրապարակե... Հայ աստղեր, ովքեր «փայլում» են իրենց տգիտությամբ. ... Տաթևիկ Ադումյանին և Վաչե Ամարյանին կրկին միասին են... Ալինա Մարտիրոսյանը ամուսնու հետ նոր լուսանկար է հր... Շնորհակալ եմ բոլոր նրանց, ովքեր մասնակցեցին այսօրվ... Հովիկ Աբրահամյանի շնորհավորական ուղերձը Տեղական ին... Երևանի քաղաքապետ Տարոն Մարգարյանը շնորհավորել է Տե... Ինչո՞ւ է ՊԵԿ-ի «հատուկ գործողությունների» թիրախում... Ստիպել աշխարհին հայկական սպորտին վերաբերվել «հավաս... Տարոն Մարգարյանը շնորհավորել է Սոցիալական աշխատող... Հայաստանն ու Գազպրոմի վտանգները․տնտեսական լիկբեզ Վարդան Հարությունյանի կողմնակալ վերաբերմունքը «ընկ... Գագիկ Ծառուկյանը հավատարիմ մնաց ցանկացած խնդրին լո... «Կուզեք նեղացեք, հիասթափվեք ինձանից, բայց…»․ Լուսի... Այսուհետ Նոյ-Գուչչի համատեղ բրենդն աշխարհին կներկա... «Նոյ-Գուչչի» բրենդը ըստ արժանվույնս ներկայացնում է... «Գուչչի Նոյ» հայ-իտալական բրենդը նոր էջ է Հայաստան...
website by Sargssyan