Գիշերային ակումբները և նմանատիպ հաստատությունները պետք է բազմաբնակարան շենքերից որոշակի հեռավարոթյան վրա գործեն
BlogՄիքայել Գրիգորյանը ֆեյսբուքյան իր էջում գրում է .
Գիշերային ակումբները և նմանատիպ հաստատությունները պետք է բազմաբնակարան շենքերից որոշակի հեռավարոթյան վրա գործեն:
Գիշերային ակումբների հետ կապված բողոքները եղել են գրեթե միշտ: Բազմաբնակարան շենքերի բնակիչները տարբեր պետական կառույցներ են դիմում, բայց լիարժեք լուծում այդ հարցը չի կարող ստանալ քանի որ օրեսնդրության մեջ նման իրավական ակտ չկա:
Համապատասխան կառույցները սահմանափակվում են զգուշացումներով, քանի որ հարցը լիարժեք լուծելու գործիքակազմը բացակայում է: Այդ իսկ պատճառով բողոքները կրում են պարբերական բնույթ: Բողոքում են ինչպես մոտակայքում մարդկային ակտիվությունից, որը աղմուկի է հանգեցնում, այնպես էլ մեքենաների շարժից, շատ ժամանակ նաև երաժշտությունից:
Քիչ չեն եղել նաև դեպքեր, երբ ակումբների մոտակայքում եղել են քաշքշուկներ ոչ սթափ անձանց միջև, որին միջամտել է ոստիկանությունը, իսկ այդքանից հետո քաղաքացիներից մի քանիսի խոսքով քնելն անհնար է “այսքանից հետո էլ ինչ քնել”: Քաղաքացիների անդորրը ապահովելու համար պետք է օրենսդրական որոշում մշակել:
Այսօր վարչապետը անդրադարձավ բազմաբնակարան շենքերին կից գործող գիշերային ակումբներին:
Գործադիրի ղեկավարը Տնտեսական զարգացման և ներդրումների, Տարածքային կառավարման և զարգացման ու Քաղաքաշինության կոմիտեի ղեկավարներին հանձնարարեց համայնքային ղեկավարության հետ քննարկել բազմաբնակարան շենքերին հարող տարածքներում տեղակայված գիշերային ակումբներն այլ վայրեր տեղափոխելու հարցը: Վարչապետը նշել է, որ օրենսնդրական որոշում է պետք ներկայացնել, իսկ սեփականատերերին ժամակ պետք տրվի, այդ որոշումն իրականացնելու և նոր տեղ փնտրելու համար:
Բացի աղմուկից, հարցը ունի նաև բարոյական կողմ, քանի որ այդ ակումբները գործում են հիմնականում բազմաբնակարան շենքերի նկուղային հարկերում մարդկանց անհանգստացնելու խնդիր կա ինչպես գիշերային այնպես էլ երեկոյան ժամերին: